बीए/बीएस्सी-बीएड एकात्मिक अभ्यासक्रमाची अर्ज नोंदणी सुरू
बीएस्सी/बीए बीएड एकात्मिक अभ्यासक्रम याऐवजी चार वर्षांचा एकात्मिक शिक्षक प्रशिक्षण अभ्यासक्रम म्हणजेच 'इंटिग्रेटेड टिचर्स एज्युकेशन प्रोग्रॅम' (आयटीईपी) राबवण्याचा निर्णय झाला होता. तो रद्द करत 'एनसीटीई' ने राज्य सामायिक प्रवेश परीक्षा कक्षाला (CET cell ) बीएससी/बीए बीएड एकात्मिक अभ्यासक्रमासाठी परीक्षा घेण्याच्या सूचना दिल्या आहेत.
eduvarta@gmail.com 
एज्युवार्ता न्यूज नेटवर्क
राष्ट्रीय अध्यापक शिक्षक परिषदेच्या म्हणजेच 'एनसीटीई'च्या (NCTE) सूचनेनुसार यंदाच्या शैक्षणिक वर्षापासून रद्द करण्यात आलेला बीएस्सी/बीए बीएड एकात्मिक अभ्यासक्रम (BSc/BA B.Ed Integrated Course) आता पुन्हा सुरू होणार आहे. त्यानुसार, २० जुलैला या अभ्यासक्रमाच्या प्रवेशासाठी सीईटी परीक्षा (cet exam) होणार आहे. यासाठी २ ते १५ जून २०२५ या कालावधीत उमेदवारांना नोंदणी (Registration) करायची आहे.
बीएस्सी/बीए बीएड एकात्मिक अभ्यासक्रम याऐवजी चार वर्षांचा एकात्मिक शिक्षक प्रशिक्षण अभ्यासक्रम म्हणजेच 'इंटिग्रेटेड टिचर्स एज्युकेशन प्रोग्रॅम' (आयटीईपी) राबवण्याचा निर्णय झाला होता. तो रद्द करत 'एनसीटीई' ने राज्य सामायिक प्रवेश परीक्षा कक्षाला (CET cell ) बीएससी/बीए बीएड एकात्मिक अभ्यासक्रमासाठी परीक्षा घेण्याच्या सूचना दिल्या आहेत.
बीए/बीएस्सी या विषयांमध्ये बीएड करण्यासाठीचा चार वर्षांचा एकात्मिक अभ्यासक्रम उच्च व तंत्रशिक्षण विभागाद्वारे राबवला जात होता. या अभ्यासक्रमाच्या प्रवेशाची प्रक्रिया राज्य सामायिक प्रवेश परीक्षा कक्षाद्वारे म्हणजेच सीईटी कक्षाद्वारे राबवली जात होती. हा अभ्यासक्रम २०२५-२६ या शैक्षणिक वर्षापासून बंद करून त्याचे रूपांतर चार वर्षांच्या एकात्मिक शिक्षक प्रशिक्षण अभ्यासक्रमात करण्याचा निर्णय 'एनसीटीई' ने घेतला. याबाबत राज्यात चर्चाही झाली होती. त्यानुसार उच्च व तंत्रशिक्षण विभागाने १९ मार्च रोजी अभ्यासक्रम बंद करण्याचा निर्णय घेतला. सीईटी कक्षाकडून होणाऱ्या चार वर्षांच्या बीए/बीएस्सी बीएड या एकात्मिक अभ्यासक्रमाच्या प्रवेश परीक्षेसाठी नोंदणी केलेल्या विद्यार्थ्यांना त्यांचे नोंदणी शुल्कही परत करण्यात आले होते.
दरम्यान, सदर अभ्यासक्रमाची केंद्रीभूत प्रवेश प्रक्रिया सीईटी निकाल घोषित झाल्यावर राबविण्यात येणार आहे. त्याबाबत स्वतंत्र वेळापत्रक संकेतस्थळावर प्रसिद्ध करण्यात येईल असेही सीईटी सेलकडून सांगण्यात आले आहे.
