CS डिसेंबरसाठी अर्जाची अंतिम मुदत वाढली; विलंब शुल्कही माफ

एज्युवार्ता न्यूज नेटवर्क  

इन्स्टिट्यूट ऑफ कंपनी सेक्रेटरीज ऑफ इंडियाने (Institute of Company Secretaries of India) सीएस डिसेंबर 2024 कार्यकारी आणि व्यावसायिक परीक्षेसाठी (Executive and Vocational Examination) विलंब शुल्काशिवाय अर्जाची (Application) तारीख 10 ऑक्टोबरपर्यंत वाढवली आहे. CS डिसेंबर 2024ची नोंदणी 25 सप्टेंबर रोजी बंद होणार होती. इच्छुक आणि पात्र उमेदवार (Interested and eligible candidates) https://icsi.edu/home/ या अधिकृत वेबसाइटवर जाऊन CS डिसेंबर २०२४ फॉर्म भरू शकतात. 

ICSI च्या अधिकृत सुचनेनुसार, सिस्टममधील तांत्रिक समस्यांमुळे (Due to technical issues) CS एक्झिक्युटिव्ह, प्रोफेशनल डिसेंबर 2024 नोंदणीची तारीख वाढवण्यात आली आहे. ICSI ने CS डिसेंबर 2024 नोंदणी फॉर्म विलंब शुल्कासह सबमिट करण्याची अंतिम तारीख 11 ऑक्टोबर ते 15 ऑक्टोबर 2024 पर्यंत वाढवली आहे. या तारखेनंतर कोणताही अर्ज कोणत्याही परिस्थितीत स्वीकारला जाणार नाही, असे ICSI कडून कळवण्यात आले आहे. ICSI च्या अधिकृत अधिसूचनेत असेही म्हटले आहे की, "याव्यतिरिक्त, बदलाची विनंती विंडो आता 16 ऑक्टोबर 2024 पासून पुन्हा उघडेल आणि 20 नोव्हेंबर 2024 पर्यंत खुली राहील."

CS एक्झिक्युटिव्ह 2024 (2017 अभ्यासक्रम) परीक्षा ऑफलाइन पद्धतीने घेतली जाईल. एकूण 2 मॉड्यूल आणि 8 पेपर असतील. परीक्षेचा कालावधी ३ तासांचा आहे. CS एक्झिक्युटिव्ह 2024 परीक्षेत वस्तुनिष्ठ आणि वर्णनात्मक अशा दोन्ही प्रकारचे प्रश्न असतील. एकूण 100 गुणांचा पेपर असेल. ICSI CS डिसेंबर 2024 च्या परीक्षांच्या वेळापत्रकात कोणताही बदल होणार नाही. CS डिसेंबर 2024 च्या परीक्षा 21 डिसेंबर ते 30 डिसेंबर या कालावधीत वेळापत्रकानुसार सुरू होतील.