पहिल्या सत्राचा निकाल नाही अन् पुढच्या सत्राचे परीक्षा अर्ज भरण्याची घाई.. 

एज्युवार्त न्यूज नेटवर्क  

डॉ. बाबासाहेबआंबेडकर मराठवाडा विद्यापीठाशी (Dr. Babasaheb Ambedkar Marathwada University) संलग्न असलेल्या औषधनिर्माणशास्त्र महाविद्यालयातील अभ्यासक्रमांच्या पहिल्या सत्राचे निकाल (Results of Previous Examinations) लागण्यापूर्वीच पुढील सत्राच्या परीक्षेचे अर्ज भरण्यास घाई (Start filling out the application) करण्यात येत असल्याचे समोर आले आहे. परीक्षेच्या निकालासाठी होणाऱ्या विलंब हा विद्यार्थ्यांचे शैक्षणिक आणि आर्थिक नुकसान (Educational Loss for Students) करणारा असल्याचे विद्यार्थ्यांनी म्हटले आहे. 

विद्यापीठाच्या परीक्षा विभागाने डिसेंबर २०२५ मध्ये फार्मसी शाखेच्या पहिल्या, तिसऱ्या, पाचव्या आणि सातव्या सत्राच्या परीक्षा घेतल्या. या परीक्षा होऊन अनेक महिने उलटूनही अद्याप निकाल जाहीर झालेला नाही. आश्चर्याची बाब म्हणजे निकाल लागलेला नसतानाच विद्यापीठाकडून पुढील सत्राचे परीक्षा फॉर्म भरण्याची प्रक्रिया सुरू केली आहे. ज्यामुळे विद्यार्थ्यांमध्ये अस्वस्थता आहे. 

प्रलंबित निकाल तातडीने जाहीर करावेत, रिचेकिंग प्रक्रियेसाठी विद्यार्थ्यांना पुरेसा वेळ द्यावा, पुढील सत्राच्या परीक्षेचे फॉर्म भरण्याची मुदत निकालानंतरच असावी, विद्यार्थ्यांचे आर्थिक नुकसान टाळण्यासाठी शुल्कात सवलत किंवा परतावा मिळावा, अशा मागणीचे पत्र अधिसभा सदस्य डॉ. नरेंद्र काळे यांनी कुलगुरूंना दिले आहे.