लेखा व कोषागारे नागपूर लेखी परीक्षेचे वेळापत्रक व पॅटर्न जाहीर,

एज्युवार्ता न्यूज नेटवर्क 

सहसंचालक, लेखा व कोषागारे, नागपूर विभागातील (Joint Director, Accounts and Treasury, Nagpur Division) कनिष्ठ लेखापाल भरती (Junior Accountant Recruitment 2025) संदर्भात मोठी अपडेट समोर आली आहे. लेखी परीक्षेची तारीख आणि परीक्षा पॅटर्न जाहीर (Exam date and exam pattern announced) करण्यात आला आहे. त्यानुसार १७ एप्रिल रोजी ऑनलाईन पद्धतीने परीक्षा (Online exam on April 17th) आयोजित करण्यात आलेली आहे. प्रवेशपत्र डाऊनलोड करण्यासाठी परीक्षेच्या एक आठवडा आधी संकेतस्थळावर लिंक सक्रिय करण्यात येणार आहे. विद्यार्थी आपले प्रवेशपत्र डाऊनलोड करून परीक्षेचा, वेळ आणि ठिकाण या संदर्भाची माहिती मिळवू शकतात. 

सहसंचालक, लेखा व कोषागारे, नागपूर विभागाची कनिष्ठ लेखापाल रिक्त पदांच्या भरतीसाठी ७ जानेवारी रोजी जाहिरात प्रसिद्ध करण्यात आली होती.  सदरील परीक्षेच्या अनुषंगाने सूचना पत्र प्रसिध्द करण्यात येत आहे. त्यामध्ये लेखी परीक्षेचे स्वरूप आणि पॅटर्न कसा असणार याचे स्वरूप देण्यात आले आहे. तसेच या परीक्षेचे प्रवेशपत्र लवकरच उपलब्ध होतील, असे प्रसिद्ध करण्यात आलेल्या सूचना पत्रात म्हटले आहे.  

मागील विभागासाठी दिलेला वेळ पूर्ण करेपर्यंत उमेदवारांना पुढील विभागात जाण्यास प्रतिबंध केला जाईल. या व्यतिरीक्त,  उमेदवारांना विभाग निहाय दिलेला वेळ पूर्ण झाल्यानंतर प्रश्नांचे पुनरावलोकन करण्याची किंवा त्यांच्या प्रतिसादात बदल करण्याची परवानगी दिली जाणार नाही. मागील विभागासाठी दिलेला वेळ पूर्ण झाल्यानंतर पुढील विभागाचे प्रश्न आपोआप सुरू होतील, असा सूचना देण्यात आल्या आहेत.