CBSE बारावीच्या निकालात 70 विषयात 23 हजाराहून अधिक विद्यार्थ्यांचे शतक
देशभरातील १ लाख ४० हजार २१३ विद्यार्थी असे आहेत, ज्यांना ९० ते १०० टक्के गुण मिळाले आहेत. त्यापैकी 1 लाख 16 हजार 145 विद्यार्थ्यांनी 90टक्क्या पेक्षा जास्त गुण मिळवले आहेत, तर 95 टक्क्या पेक्षा जास्त गुण मिळविणाऱ्या विद्यार्थ्यांची संख्या 24 हजार 68 वर पोहोचली आहे.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाचा (CBSE) बारावीचा निकाल नुकताच जाहीर झाला आहे. या निकालात यंदा देशभरातून एकूण सीबीएसईच्या 23 हजार 720 विद्यार्थ्यांनी 70 विषयात 100 पैकी 100 गुण (100 out of 100)मिळवले आहेत. यामध्ये सर्वाधिक 6 हजार 126 विद्यार्थ्यांनी चित्रकला विषयात (painting subject)100 चा टप्पा गाठला आहे. तर रसायनशास्त्र या विषयात 2 हजार 152 विद्यार्थ्यांनी शतक ठोकले आहे, तर 722 विद्यार्थ्यांनी इतर काही विषयात 100 पैकी 100 गुण मिळवले आहेत.
यावेळी विद्यार्थ्यांनी अनेक विषयात १०० गुणांचा टप्पा पार केला आहे. मानसशास्त्रात 2 हजार 097, राज्यशास्त्रात 1 हजार 24, अकाऊंटन्सीमध्ये 1 हजार 175, कॉम्प्युटर सायन्समध्ये 975, भौतिकशास्त्रात 1 हजार 358, अर्थशास्त्रात 1 हजार 258, जीवशास्त्रात 530 आणि इंग्रजी विषयात 3 हजार 990 विद्यार्थ्यांनी 100 पैकी 100 गुण मिळवले आहेत.
यावर्षी बोर्डाच्या निकालात देशभरातील १ लाख ४० हजार २१३ विद्यार्थी असे आहेत, ज्यांना ९० ते १०० टक्के गुण मिळाले आहेत. त्यापैकी 1 लाख 16 हजार 145 विद्यार्थ्यांनी 90टक्क्या पेक्षा जास्त गुण मिळवले आहेत, तर 95 टक्क्या पेक्षा जास्त गुण मिळविणाऱ्या विद्यार्थ्यांची संख्या 24 हजार 68 वर पोहोचली आहे. गेल्या वर्षी ९५ टक्क्यांहून अधिक गुण मिळवणाऱ्यांची संख्या २२ हजार ६२२ होती आणि ९० टक्क्यांहून अधिक गुण मिळवणाऱ्यांची संख्या १ लाख १२ हजार ८३८ होती. गुण मिळवण्याची ही स्पर्धा वर्षानुवर्षे सातत्याने वाढत आहे.
