11 वी ऑनलाइन प्रवेश प्रक्रियेला 10 एप्रिलपासून सुरुवात
इयत्ता दहावीच्या परीक्षा नुकत्याच संपल्या असून सध्या उत्तर पत्रिका तपासणीचे काम सुरू आहे. परंतु, विद्यार्थ्यांना अकरावी प्रवेशासाठी प्रवेश अर्जाचे दोन भाग उपलब्ध करून दिले जातात. पहिल्या भागात विद्यार्थ्यांची वैयक्तिक माहिती भरून घेतले जाते. त्यामुळे येत्या 10 एप्रिलपासून सकाळी दहा वाजता विद्यार्थ्यांना अकरावी प्रवेशाच्या अधिकृत संकेतस्थळावरून ऑनलाइन अर्ज भरता येणार आहेत.
eduvarta@gmail.com 
एज्युवार्ता न्यूज नेटवर्क
राज्याच्या माध्यमिक शिक्षण संचालक कार्यालयातर्फे मागील वर्षाप्रमाणे यंदा राज्यातील सर्व कनिष्ठ महाविद्यालयांमध्ये इयत्ता अकरावी प्रवेशासाठी केंद्रीय ऑनलाईन प्रवेश प्रक्रिया राबवली जाणार आहे. 11 वी ऑनलाइन प्रवेश प्रक्रियेला सुरुवात झाली असून विद्यार्थ्यांना 10 एप्रिल 2026 पासून ऑनलाईन अर्ज भरण्यास उपलब्ध करून दिले जाणार आहेत. विद्यार्थी प्रवेश अर्जाचा पहिला भाग https://mahafyjcadmissions.in या अधिकृत पोर्टलला भेट देऊन भरू शकणार आहेत.
राज्याच्या शालेय शिक्षण विभागातर्फे काही वर्षांपासून इयत्ता अकरावी प्रवेशासाठी केंद्रीय ऑनलाईन प्रवेश प्रक्रिया राबवली जाते. गेल्या वर्षापासून राज्यातील सर्व जिल्ह्यातील सर्व कनिष्ठ महाविद्यालयांमधील इयत्ता अकरावी प्रवेशासाठी केवळ ऑनलाइन पद्धतीनेच गुणवत्तेच्या आधारे विद्यार्थ्यांना प्रवेश देण्याचा निर्णय घेण्यात आला. शेवटच्या विद्यार्थ्याला ऑनलाइन प्रवेश मिळत नाही तोपर्यंत प्रवेश प्रक्रिया राबविण्यात आली. मागील वर्षी पहिले सत्र संपत आले तरीही अकरावी प्रवेशापासून वंचित राहिलेल्या विद्यार्थ्यांसाठी ऑनलाइन प्रवेश फेरी राबविण्यात आली.
इयत्ता दहावीच्या परीक्षा नुकत्याच संपल्या असून सध्या उत्तर पत्रिका तपासणीचे काम सुरू आहे. परंतु, विद्यार्थ्यांना अकरावी प्रवेशासाठी प्रवेश अर्जाचे दोन भाग उपलब्ध करून दिले जातात. पहिल्या भागात विद्यार्थ्यांची वैयक्तिक माहिती भरून घेतले जाते. त्यामुळे येत्या 10 एप्रिलपासून सकाळी दहा वाजता विद्यार्थ्यांना अकरावी प्रवेशाच्या अधिकृत संकेतस्थळावरून ऑनलाइन अर्ज भरता येणार आहेत. प्रवेश अर्जाचा दुसरा भाग राज्य मंडळांनी निकाल जाहीर केल्यानंतर भरण्यासाठी उपलब्ध करून दिला जाणार आहे, असे राज्याचे माध्यमिक व उच्च माध्यमिक शिक्षण संचालक डॉ.महेश पालकर यांनी स्पष्ट केले आहे.
विद्यार्थी https://mahafyjcadmissions.in या अधिकृत पोर्टलवरून अकरावी प्रवेशाचा अर्ज भरू शकतात. तसेच अकरावी प्रवेशासाठी हेल्पाईन क्रमांक उपलब्ध करून देण्यात आला आहे. विद्यार्थी 8530955564 या हेल्पलाइन क्रमांकावर संपर्क साधू शकतात.
