शिक्षकाने थोबाडीत मारल्याने विद्यार्थ्याची शाळेतच आत्महत्या

एज्युवार्ता न्यूज नेटवर्क 

एका खाजगी शाळेतील आठवीच्या विद्यार्थ्याने शनिवारी शाळेच्या इमारतीवरून उडी मारून आत्महत्या केली. (An eighth-grade student committed suicide by jumping from the school building on Saturday) हैदराबाद (Hyderabad) येथे  शनिवारी ही घटना घडली. पोलिसांनी दिलेल्या माहितीनुसार, शिक्षकाने त्या विद्यार्थ्याला संपूर्ण वर्गासामोर थोबाडीत मारली होती, (The teacher slapped the student in front of the entire class) याचा राग मनात धरून त्याने हे पाऊल उचलले असल्याची प्राथमिक माहिती आहे. 

पोलिसांनी सांगितले की, ही घटना सकाळी ९.३० च्या सुमारास घडली. जेव्हा शारीरिक शिक्षण शिक्षकाने १४ वर्षांच्या मुलाला वर्गातील इतर विद्यार्थ्यांसमोर फटकारले होते. सदर विद्यार्थ्याने वर्गातील सीसीटीव्ही कॅमेऱ्याची दिशा बदलली होती, म्हणून शिक्षकाने त्याला सर्वांसमोर थोबाडीत मारले होते. नंतर विद्यार्थी शिक्षकाकडे शौचालयाला जायचे आहे,असे सांगून वर्गातून बाहेर पडला आणि शाळेच्या इमारतीच्या चौथ्या मजल्यावर गेला आणि त्याने तिथून उडी मारली. गंभीर झालेल्या विद्यार्थ्याला दवाखान्यात नेण्यात आले.पण तिथे त्याला मृत घोषित करण्यात आले. 

पोलिसांनी सांगितले की, मुलाच्या पुस्तकात एक चिठ्ठी सापडली आहे. ज्यामध्ये त्याने त्याच्या आईची "आपल्या जीवनाचा अंत" केल्याबद्दल माफी मागितली आहे. या प्रकरणी आत्महत्येस प्रवृत्त केल्याचा गुन्हा दाखल करण्यात आला असून पुढील तपास सुरू आहे.