सैनिक शाळा प्रवेश परीक्षेसाठी अर्ज सुरू, या तारखेपूर्वी भरा फॉर्म

शैक्षणिक वर्ष 2025-26 साठी देशभरातील सैनिक शाळांमध्ये इयत्ता 6 आणि 9 च्या प्रवेशासाठी उमेदवारांची निवड करण्यासाठी OMR शीट वापरून ही परीक्षा ऑफलाइन घेण्यात येईल.

Dec 26, 2024 - 13:14 Updated: Dec 26, 2024 - 18:20

सैनिक शाळा प्रवेश परीक्षेसाठी अर्ज सुरू, या तारखेपूर्वी भरा फॉर्म

एज्युवार्ता न्यूज नेटवर्क

नॅशनल टेस्टिंग एजन्सी (National Testing Agency) NTA ने अखिल भारतीय सैनिक शाळा प्रवेश परीक्षा (All India Sainik School Entrance Exam) AISSEE 2025 साठी अधिसूचना प्रसिध्द केली आहे. (Notification has been issued) पात्र उमेदवार 13 जानेवारी 2025 पर्यंत अधिकृत वेबसाइट https://exams.nta.ac.in/AISSEE/ वर परीक्षेसाठी अर्ज करू शकतात. सुधारणा विंडो 16 ते 18 जानेवारी 2025 या काळात उघडली जाईल.

शैक्षणिक वर्ष 2025-26 साठी AISSEE-2025 मध्ये नव्याने मंजूर झालेल्या सैनिकी शाळांसह इतर सर्व सैनिक शाळांमधील इयत्ता 6 वी आणि 9 वी च्या वर्गांचा समावेश आहे. शैक्षणिक वर्ष 2025-26 साठी देशभरातील सैनिक शाळांमध्ये इयत्ता 6 आणि 9 च्या प्रवेशासाठी उमेदवारांची निवड करण्यासाठी OMR शीट वापरून ही परीक्षा ऑफलाइन घेण्यात येईल.

इयत्ता 6 मधील प्रवेशासाठी, विद्यार्थ्याचे वय 31 मार्च 2025 रोजी 10 ते 12 वर्षांच्या दरम्यान असावे. याचा अर्थ असा की त्याचा/तिचा जन्म १ एप्रिल २०१३ ते ३१ मार्च २०१५ (दोन्ही दिवसांसह) दरम्यान झालेला असावा. सर्व सैनिक शाळांमध्ये इयत्ता 6 वी च्या प्रवेशासाठी मुली अर्ज करू शकतात. इयत्ता 9 मधील प्रवेशासाठी, उमेदवाराचे वय 31 मार्च 2025 रोजी 13 ते 15 वर्षांच्या दरम्यान असले पाहिजे, म्हणजेच त्याचा/तिचा जन्म 1 एप्रिल 2010 ते 31 मार्च 2012 दरम्यान झालेला असावा.

अर्ज कसा करायचा?
* सर्वप्रथम उमेदवारांनी अधिकृत वेबसाइट https://exams.nta.ac.in/AISSEE/ वर जा
* आता मुख्यपृष्ठावर, AISSEE 2025 नोंदणी लिंकवर क्लिक करा
* स्वतःची नोंदणी करा आणि अर्ज प्रक्रियेसह पुढे जा
* तपशील भरा आणि आवश्यक कागदपत्रे अपलोड करा.
* शेवटी अर्जाची फी भरा आणि फॉर्म सबमिट करा.
* भविष्यातील संदर्भासाठी अर्ज प्रिंटआउट घ्या.