वाढत्या आत्महत्येने विद्यार्थी 'कोटा' घसरले
विद्यार्थ्यांच्या आत्महत्या, कोचिंग सेंटर्सचे नियमन करण्यासाठी नवीन मार्गदर्शक तत्त्वे आणि इतर शहरांमध्ये कोचिंग ब्रँडचा विस्तार, कोचिंग सेंटर्स आणि वसतिगृहांचा व्यवसाय यामुळे कोटा येथे येणार्या विद्यार्थ्यांच्या संख्येत लक्षणीय घट झाली आहे.
eduvarta@gmail.com 
एज्युवार्ता न्यूज नेटवर्क
स्पर्धा परीक्षा (competitive exam)आणि इतर मोठ्या परीक्षांची तयारी करणार्या विद्यार्थ्यांसाठी डेस्टीनेशन ठरत असलेल्या शहराबद्दल आता विद्यार्थ्यांच्या मनात अनामिक भीती निर्माण झाली आहे. राजस्थानमधील कोटा शहरात (Kota city in Rajasthan)परीक्षांची तयारी करण्यासाठी देशभरातून विद्यार्थी जात होते. पण मागील दोन वर्षापासून तिथे सातत्याने विद्यार्थी आत्महत्येच्या घटना (Incidents of student suicide)वाढत आहेत. त्यामुळे तिथे जाणार्या विद्यार्थ्यांच्या संख्येत लक्षणीय घट झाली आहे.
मीडिया रिपोर्टनुसार कोटामधील विद्यार्थ्यांची संख्या दोन ते अडीच लाखांवरून यावर्षी 85,000 ते एक लाखांपर्यंत खाली आली आहे, ज्यामुळे वार्षिक महसूल देखील बराच घटला आहे. या शहराचा वार्षिक महसूल 7,000 कोटी रुपयांवरून 3,500 कोटी रुपयांवर आला आहे.
कोटा येथे गेल्या ३ दशकांपासून देशभरातील विद्यार्थ्यांमध्ये कोचिंगची क्रेझ वाढत आहे, परंतु विद्यार्थ्यांच्या आत्महत्या, कोचिंग सेंटर्सचे नियमन करण्यासाठी नवीन मार्गदर्शक तत्त्वे आणि इतर शहरांमध्ये कोचिंग ब्रँडचा विस्तार, कोचिंग सेंटर्स आणि वसतिगृहांचा व्यवसाय यामुळे कोटा येथे येणार्या विद्यार्थ्यांच्या संख्येत लक्षणीय घट झाली आहे, असा दावा तेथील कोचिंग सेंटर्स चालकांनी प्रसार माध्यमांशी बोलताना केला आहे.
कोटा हॉस्टेल असोसिएशनचे अध्यक्ष नवीन मित्तल यांनी संगितले की, येथील कोचिंग सेंटर आणि वसतिगृह उद्योग अडचणीत आहेत. कर्ज घेऊन अनेक वसतिगृहे बांधण्यात आली आहेत. आता या मालकांना हप्ते फेडणे कठीण जात आहे. शहरातील साडेचार हजार वसतिगृहांपैकी बहुतांश 40 ते 50 टक्के वसतिगृह सध्या रिक्त आहेत.
नॅशनल क्राईम रेकॉर्ड ब्युरो (NCRB) नुसार, कोटा आत्महत्या दराच्या बाबतीत 50 शहरांपेक्षा मागे आहे, तरीही शहराचे नकारात्मक चित्रण केले गेले आहे, त्यामुळे आता विद्यार्थ्यांमध्ये बिहितचे वातावरण निर्माण झाले असून विद्यार्थी इथे यायला घाबरतात, असे मित्तल यांनी संगितले.
