प्रियदर्शनी स्कूलची विद्यार्थीनी भाविक अहिरे; भारतीय महिला क्रिकेट संघाची कॅप्टन
भाविक ही केवळ खेळातच नाही तर शाळेतही हुशार होती.शाळेने तिला क्रिकेट किट किंवा इतर आवश्यक बाबीसाठी भेट म्हणून देत नेहमी तिला प्रोत्साहन दिले.तिची आता अंडर 19 भारतीय महिला क्रिकेट संघाच्या कॅप्टन पदी निवड झाल्याने शाळेचे संचालक विश्वस्त डॉ. राजेंद्र सिंह,प्राचार्य डॉ.गायत्री जाधव यांच्यासह सर्व शिक्षक व शिक्षकेतर कर्मचारी यांनी आनंद व्यक्त केला आहे.
eduvarta@gmail.com 
एज्युवार्ता न्यूज नेटवर्क
भोसरी- इंद्रायणीनगर येथील प्रियदर्शनी स्कूल मधून आपले शालेय शिक्षण पूर्ण केलेल्या भाविका आहिरेची अंडर 19 भारतीय महिला क्रिकेट संघात कॅप्टन म्हणून निवड करण्यात आली आहे. भाविकाने आतापर्यंतच्या केलेल्या कामगिरीतून देशासाठी महाराष्ट्रासाठी आणि पुणेकरांसाठी अभिमानास्पद कामगिरी केली असून आता कॅप्टन म्हणून भारतीय संघाचे नेतृत्व करणार असल्याने तिच्यावर कौतुकाचा वर्षाव होत आहे.
भाविकाला क्रिकेटसाठी शाळेकडून नेहमी प्रोत्साहन दिले गेले.खेळण्यासाठी परराज्यात किंवा परदेशात असताना तिचा मागे राहिलेला अभ्यासक्रम प्रियदर्शनी शाळेच्या शिक्षकांनी पूर्ण करून घेतला. भाविकाने प्रियदर्शनी शाळेतून CBSE बोर्डाची इयत्ता दहावी परीक्षा चांगल्या गुणांनी उत्तीर्ण केली आहे.भाविक ही केवळ खेळातच नाही तर शाळेतही हुशार होती.शाळेने तिला क्रिकेट किट किंवा इतर आवश्यक बाबीसाठी भेट म्हणून देत नेहमी तिला प्रोत्साहन दिले.तिची आता अंडर 19 भारतीय महिला क्रिकेट संघाच्या कॅप्टन पदी निवड झाल्याने शाळेचे संचालक विश्वस्त डॉ. राजेंद्र सिंह,प्राचार्य डॉ.गायत्री जाधव यांच्यासह सर्व शिक्षक व शिक्षकेतर कर्मचारी यांनी आनंद व्यक्त केला आहे.
भाविक तीन वर्षाची असतानाच तिची क्रिकेटची आवड तिच्या वडिलांच्या लक्षात आली होती.ती चांगली खेळू शकते हे तिच्या वडिलांना जाणवले होते.पुण्यातील प्रशिक्षक संजय हडके यांच्याकडे तिने 2017 पासून प्रशिक्षण घेतले. तसेच तिला विकेट किपिंगचे प्रशिक्षण देण्यात आले. केवळ महाराष्ट्रासाठी नाही तर ती भारतासाठी खेळू शकते,असे तिचे प्रशिक्षक संजय हडके यांनी 2017 मध्येच सांगितले होते. त्यानुसार तिच्याकडे आता संघाच्या कॅप्टन पदाची जबाबदारी सोपवली आहे. निश्चितच भाविका ही जबाबदारी समर्थपणे पार पाडेल,याचा विश्वास वाटतो.
----------------
प्रियदर्शनी शाळेची विद्यार्थिनी अंडर 19 भारतीय महिला क्रिकेट संघाचे नेतृत्व करणार ही शाळेसाठी निश्चितच अभिमानाची बाब आहे. शाळेबरोबरच महाराष्ट्र आणि पुणेकरांसाठी हा निश्चितच आनंदाचा आणि अभिमानाचा क्षण आहे.तिच्या पुढील वाटचालीसाठी शुभेच्छा.
- डॉ. राजेंद्र सिंह, संचालक, विश्वस्त प्रियदर्शनी ग्रुप ऑफ स्कूल
