NCET २०२५ साठी अर्ज प्रक्रिया सुरू!
ज्या उमेदवारांनी बारावी किंवा समतुल्य परीक्षा उत्तीर्ण केली आहे, तसेच २०२५ मध्ये परीक्षा देणार आहेत असे सर्व उमेदवार यासाठी अर्ज करण्यास पात्र आहेत. NCET २०२५ मध्ये बसण्यासाठी उमेदवारांना वयोमर्यादा नाही.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीने (National Testing Agency) NTA नॅशनल कॉमन एन्ट्रन्स टेस्ट (National Common Entrance Test) NCET २०२५ साठी अर्ज प्रक्रिया सुरू केली आहे. (The application process has started) इच्छुक आणि पात्र उमेदवार exam.ntaonline.in या अधिकृत वेबसाइटला भेट देऊन अर्ज करू शकतात. एनसीईटी परीक्षेसाठी अर्ज सादर करण्याची शेवटची तारीख १६ मार्च २०२५ आहे. अर्ज दुरुस्ती विंडो १८ ते १९ मार्च पर्यंत सुरू राहील.
अधिकृत सूचनेनुसार, शहराच्या माहिती स्लिप एप्रिल २०२५ च्या पहिल्या आठवड्यात प्रसिद्ध केल्या जातील. ज्या उमेदवारांनी बारावी किंवा समतुल्य परीक्षा उत्तीर्ण केली आहे, तसेच २०२५ मध्ये परीक्षा देणार आहेत असे सर्व उमेदवार यासाठी अर्ज करण्यास पात्र आहेत. NCET २०२५ मध्ये बसण्यासाठी उमेदवारांना वयोमर्यादा नाही.
अर्ज करताना, सामान्य श्रेणीतील उमेदवारांना १ हजार २०० रुपये अर्ज शुल्क भरावे लागेल, तर ईडब्ल्यूएस/ओबीसी श्रेणीतील उमेदवारांना १ हजार रुपये अर्ज शुल्क भरावे लागेल. तर एससी/एसटी/पीएच श्रेणीतील उमेदवारांसाठी ६५० रुपये शुल्क निश्चित करण्यात आले आहे. शुल्क ऑफलाइन मोड, ई चलन, ऑनलाइन डेबिट कार्ड, क्रेडिट कार्ड किंवा नेट बँकिंग मोडद्वारे भरता येऊ शकेल.
ही राष्ट्रीय स्तरावरील परीक्षा आहे जी राष्ट्रीय शिक्षक शिक्षण परिषद (एनसीटीई) च्या वतीने राष्ट्रीय चाचणी एजन्सी (एनटीए) द्वारे घेतली जाते. २०२५-२६ या शैक्षणिक सत्रासाठी निवडक केंद्रीय/राज्य विद्यापीठे/संस्थांमध्ये जसे की आयआयटी, एनआयटी, आरआयई आणि सरकारी महाविद्यालये इत्यादींमध्ये ४ वर्षांच्या एकात्मिक शिक्षक शिक्षण कार्यक्रमात (आयटीईपी) प्रवेश मिळविण्यासाठी एनसीईटी पात्रता अनिवार्य आहे.
असा करा अर्ज
असा करा अर्ज
* सर्वप्रथम अधिकृत वेबसाइटला exam.nta.ac.in/NCET/ भेट द्या.
* आता होमपेजवर, NCET २०२५ परीक्षेसाठी ऑनलाइन अर्जाची लिंक शोधा.
* त्या लिंकवर क्लिक करा आणि नोंदणी करा.
* आता सर्व आवश्यक तपशील भरा.
* शेवटी अर्ज भरा आणि पुढील गरजेसाठी अर्जाची एक प्रत ठेवा.
