'या' भारतीय विद्वानावर अमेरिकेत दहशतवादाला पाठिंबा दिल्याच्या आरोप; अमेरिकेचा व्हिसा रद्द
श्रीनिवासन या कोलंबिया विद्यापीठातील डॉक्टरेटची विद्यार्थिनी आहेत. अमेरिकेच्या गृह सुरक्षा सचिव क्रिस्टी नोएम यांनी जाहीर केले की, "हिंसाचार आणि दहशतवादाचे समर्थन केल्याबद्दल ज्या कोलंबियन विद्यार्थिनीचा विद्यार्थी व्हिसा रद्द करण्यात आला होता तिने CBP होम अॅप वापरून स्वतःला देशाबाहेर काढले आहे."
eduvarta@gmail.com 
एज्युवार्ता न्यूज नेटवर्क
अमेरिकेचे नवनिर्वाचित अध्यक्ष डॉनल्ड ट्रंप (Newly elected US President Donald Trump) यांच्या नवीन धोरणांमुळे भारतीयांमध्ये नाराजीचा सुर आहे. अशातच आता अमेरिकेच्या संदर्भात आणखीन एक धक्कादायक माहिती समोर आली आहे. अमेरिकेत भारतीय विद्वान अशी ओळख असलेल्या डॉ. रंजनी श्रीनिवासन (Indian scholar Dr. Ranjani Srinivasan) यांच्यावर अमेरिकेत हिंसाचार आणि दहशतवादाला पाठिंबा दिल्याच्या आरोप करत त्यांचा व्हिसा रद्द करण्यात आला आहे. (visa has been revoked on charges of supporting violence and terrorism) त्यानंतर त्यांनी स्वेच्छेने देश सोडला आहे.
श्रीनिवासन या कोलंबिया विद्यापीठातील डॉक्टरेटची विद्यार्थिनी आहेत. अमेरिकेच्या गृह सुरक्षा सचिव क्रिस्टी नोएम यांनी जाहीर केले की, "हिंसाचार आणि दहशतवादाचे समर्थन केल्याबद्दल ज्या कोलंबियन विद्यार्थिनीचा विद्यार्थी व्हिसा रद्द करण्यात आला होता तिने CBP होम अॅप वापरून स्वतःला देशाबाहेर काढले आहे."
हिंसाचार आणि दहशतवादाला पाठिंबा दिल्याच्या आरोपावरून व्हिसा रद्द
"भारतीय नागरिक आणि राष्ट्रीयत्व असलेल्या रजनी श्रीनिवासन यांनी कोलंबिया विद्यापीठात शहरी नियोजन विषयात डॉक्टरेटची विद्यार्थिनी म्हणून F-1 विद्यार्थी व्हिसावर अमेरिकेत प्रवेश केला. श्रीनिवासन हमास नावाच्या दहशतवादी संघटनेला पाठिंबा देणाऱ्या कारवायांमध्ये सहभागी होत्या. ५ मार्च २०२५ रोजी परराष्ट्र विभागाने तिचा व्हिसा रद्द केला. ११ मार्च रोजी सीबीपी होम अॅप वापरून स्व-निर्वासन करतानाचे व्हिडिओ फुटेज गृह सुरक्षा विभागाने मिळवले."
"अमेरिकेत राहण्यासाठी आणि शिक्षण घेण्यासाठी व्हिसा मिळणे हा एक विशेषाधिकार आहे. जेव्हा तुम्ही हिंसाचार आणि दहशतवादाचे समर्थन करता तेव्हा तो विशेषाधिकार रद्द केला पाहिजे आणि तुम्ही या देशात नसावे. कोलंबिया विद्यापीठाच्या दहशतवाद समर्थकांपैकी एकाने स्वतःहून निर्वासित होण्यासाठी CBP होम अॅप वापरल्याचे पाहून मला आनंद झाला," असे नोएम यांनी X वरील एका पोस्टमध्ये लिहिले आहे.
