Viral Video : गुजरातमध्ये धक्कादायक प्रकार; जेवणाच्या सुट्टीच्या वेळी, शाळेची भिंत कोसळली

एज्युवार्ता न्यूज नेटवर्क 

गुजरातमधील वडोदरा (Wadodara school news) येथून एक धक्कादायक घटना समोर आली आहे. एका शाळेत  सुट्टीत जेवणाऱ्या मुलांवर शाळेची भिंत कोसळली (The wall of the school collapsed) आहे. या घटनेत ६ ते ८  मुले भिंतीसह खाली पडली. खाली पडलेल्या मुलांना दुखापत झाली (6-8 children were injured) आहे. मात्र, कोणताही अनुचित प्रकार घडला नाही. सर्व जखमी मुलांवर वैद्यकीय उपचार करण्यात आले. या घटनेनंतर मुले प्रचंड हादरली. इतर वर्गातील मुलेही चांगलीच घाबरली होती. या खाजगी शाळेची इमारत चार मजली आहे.

शाळेतील भिंत पडण्याची ही घटना वडोदरा येथील श्री नारायण विद्यालयात घडली. घटनेच्या सीसीटीव्ही फुटेजमध्ये काही सेकंदांपूर्वीपर्यंत जेवणाच्या ब्रेकमध्ये मुले आरामात जेवण करत होती. त्यानंतर अचानक भिंत कोसळते. या घटनेमुळे मुले घाबरून दुसरीकडे पळून जातात. वडोदरात ही घटना घडली तेव्हा वडोदरा प्रभारी आणि राज्याचे गृहमंत्री हर्ष संघवी शहरात होते. ते प्रभाग-१२ च्या नगरसेवकाच्या कार्यक्रमासाठी आले होते.  

शाळेची सर्व आवश्यक प्रमाणपत्रे व कागदपत्रे असल्याचा दावा शाळा व्यवस्थापनाकडून केला जात असला तरी शाळेची इमारत अतिशय जुनी आणि जीर्ण असल्याचे प्राथमिक तपासात समोर आले आहे. पोलिसांनी जखमी मुलांच्या कुटुंबीयांसह शाळा व्यवस्थापनाचे जबाब नोंदवले. पोलिसांनी दिलेल्या माहितीनुसार या संपूर्ण प्रकरणाची चौकशी केली जाईल, मात्र या घटनेनंतर शिक्षण विभाग आणि जिल्हा प्रशासनाकडून कोणतेही वक्तव्य आलेले नाही.

व्हिडिओ पहा : https://www.youtube.com/shorts/-Wg52AbrEG4