नवोपक्रम स्पर्धेच्या नावनोंदणीची ‘ही’ अखेरची मुदत; अशी करा नावनोंदणी

एज्युवार्ता न्यूज नेटवर्क

जिल्ह्यातील जास्तीत जास्त शिक्षक व पर्यवेक्षकीय अधिकारी (Teachers and Supervising Officers) यांनी राज्यस्तरीय नवोपक्रम स्पर्धा २०२४-२५ (State Level Innovation Competition 2024-25) मध्ये सहभागी व्हावे म्हणून स्पर्धकांना नाव नोंदणी (registration) करण्यासाठी ५ डिसेंबर २०२४ पर्यंत वाढीव मुदत (extended time) देण्यात आली आहे. यासाठी अधिकाधिक स्पर्धकांची नोंदणी व्हावी म्हणून सर्व स्तरातून प्रयत्न करावेत तसेच यांनतर मुदतवाढ देण्यात येणार नाही असे राज्य शैक्षणिक संशोधन व प्रशिक्षण परिषदेच्या सहसंचालक अनुराधा ओक (Anuradha Oak, Joint Director, State Council of Educational Research and Training) यांनी पत्रकाद्वारे सांगितले आहे.

याआधी राज्यस्तरीय नवोपक्रम स्पर्धा २०२४-२५ साठी स्पर्धकांना नाव नोंदणीसाठी दि. ५ नोव्हेंबर २०२४ ते २२ नोव्हेंबर २०२४  पर्यंतचा कालावधी देण्यात आला होता. तथापि, सर्वच गटातील स्पर्धकांची नाव नोंदणी अल्प प्रमाणात झाली असल्याने शिक्षकांना व पर्यवेक्षकीय अधिकारी यांना या स्पर्धेमध्ये सहभाग घेण्यासाठी ५ डिसेंबर पर्यंत मुदतवाढ देण्यात आली आहे.  

दरम्यान, नवोपक्रम स्पर्धेत सहभागी होण्यासाठी स्पर्धकांनी https://forms.gle/X4eqdwFMz9JFotre7 या अधिकृत लिंकचा वापर करावा. तसेच अधिक माहितीसाठी https://drive.google.com/file/d/1tf0fmFASOG_Mqcu-1hfYF4Puo0WPE78z/view या अधिकृत संकेतस्थळाला भेट द्यावी.  

‘या’ पाच गटात होणार राज्यस्तरीय नवोपक्रम स्पर्धा

पूर्व प्राथमिक स्तरावरील अंगणवाडी कार्यकर्त्या/सेविका व पर्यवेक्षिका

प्राथमिक शिक्षक व मुख्याध्यापक

माध्यमिक, उच्च माध्यमिक शिक्षक व मुख्याध्यापक

विषय सहाय्यक व विषय साधन व्यक्ती

अध्यापकाचार्य, पर्यवेक्षकीय अधिकारी व कर्मचारी (केंद्रप्रमुख ते शिक्षणाधिकारी व अधिव्याख्याता व वरिष्ठ अधिव्याख्याता)