हॉटेलच्या बंद खोलीत विद्यार्थ्याचा मृतदेह आढळल्याने एकच खळबळ उडाली

एज्युवार्ता न्यूज नेटवर्क 

लखनौच्या बिजनौर पोलीस स्टेशन (Bijnor Police Station) हद्दीतील एका हॉटेलच्या खोलीत २१ वर्षीय तरुणाचा मृतदेह (A young man's body) लटकलेल्या अवस्थेत आढळून आला आहे. एसएस पॅलेस (SS Palace Hotel) हॉटेलमध्ये तरुणाचा मृतदेह सापडला. बिजनौर पोलिसांना एसएस पॅलेसच्या रुम नंबर 102 मध्ये एका विद्यार्थ्याचा मृतदेह (Student's body) लटकत असल्याची माहिती मिळाली होती, त्यानंतर पोलिसांनी घटनास्थळी पोहोचून कारवाई केली आणि मृतदेह पोस्टमार्टमसाठी पाठवला.

संतोष कुमार रावत असे मृत आर्यनच्या वडिलांचे नाव असून ते सरोजिनी नगर पोलीस स्टेशन अंतर्गत गौरी येथील रहिवासी आहेत. आर्यन चारबाग येथील जय नारायण महाविद्यालयात पदवीचे शिक्षण घेत होता. तो कॉलेजला जातो असे सांगून घराबाहेर पडला. काही वेळानंतर त्याचा फोन बंद झाला. फोन बंद लागत असल्याने कुटुंबीयांनी आर्यनचा शोध घेण्यास सुरुवात केली, मित्रांकडे चौकशी केली मात्र आर्यनबद्दल काहीही माहिती हाती लागली नसल्याने त्यांनी थेट पोलीस स्टेशन गाठले. 

दरम्यान, आर्यनचे काका त्याच्या काही मित्रांसह एसएस पॅलेस हॉटेलमध्ये पोहोचले आणि त्यांनी आर्यनची चौकशी केली तेव्हा त्यांना कळले की आर्यन रुम नंबर 102 मध्ये राहत होता. यानंतर हॉटेलच्या कर्मचाऱ्यांनी आर्यनच्या  रुमचा दरवाजा ठोठावला, मात्र आतून कोणतीही प्रतिसाद मिळाली नाही. त्यानंतर कुटुंबीयांनी खिडकीची काच फोडली आणि खोलीत प्रवेश केला जेथे त्यांना आर्यनचा मृतदेह पंख्याला लटकलेला दिसून आला. 

पोलीस घटनास्थळी पोहोचले, आर्यनचा शो खाली उतरवला आणि पोस्टमार्टमसाठी पाठवला. या घटनेबाबत पोलीस हॉटेल कर्मचाऱ्यांची चौकशी करत आहेत. सीसीटीव्ही फुटेज तपासले जात असून, शवविच्छेदन अहवाल आल्यानंतर पुढील कारवाई केली जाईल, असे पोलीस अधिकाऱ्यांचे म्हणणे आहे. पोलिसांना खोलीत मृतदेहासोबत दारूच्या रिकाम्या बाटल्या आणि ग्लास सापडले आहेत.