साधना शाळेतील जलतरण तलावात विद्यार्थ्यांचा बुडून मृत्यू
कृष्णा गणेश शिंदे (Krishna Shinde) असे जलतरण तलावात बुडून मृत्यू झालेल्या मुलांचे नाव आहे. कृष्णा हा हडपसर येथील माळवाडी काळूबाई वसाहत येथील रहिवासी आहे. तो साधना शाळेत इयत्ता नववीत शिकत होता.
eduvarta@gmail.com 
एज्युवार्ता न्यूज नेटवर्क
हडपसर येथील साधना शाळेतील (Sadhana School) जलतरण तलावामध्ये पोहताना एका १६ वर्षीय मुलाचा बुडून मृत्यू झाल्याची धक्कादायक घटना पुण्यात (Pune) घडली. हडपसर (Hadapsar) पोलिसांनी या घटनेप्रकरणी अकस्मात मृत्यूची नोंद केली आहे. कृष्णा गणेश शिंदे (Krishna Shinde) असे जलतरण तलावात बुडून मृत्यू झालेल्या मुलांचे नाव आहे.
कृष्णा हा हडपसर येथील माळवाडी काळूबाई वसाहत येथील रहिवासी आहे. तो साधना शाळेत इयत्ता नववीत शिकत होता. तो आपल्या मामासोबत तलावात पोहायला गेला होता. शाळेच्या प्रवेशद्वाराजवळच जलतरण तलाव आहे. शनिवारी सकाळी नऊ वाजण्याच्या सुमारास कृष्णा तलावात पोहण्यासाठी गेला. त्यानंतर त्यांचे मामाही त्यांच्याबरोबर पोहण्यास आले.
हेही वाचा : शिक्षणाला नवी दिशा देणारा मार्गदर्शक गमावला!
काही कालावधीनंतर कृष्णाच्या मामाच्या लक्षात आले की तो पोहताना दिसत नाही. तो तलावात बुडाला असल्याचे लक्षात आले. जलतरण तलावाजवळ असणा-या उपस्थितांनी कृष्णाला तातडीने बाहेर काढले आणि जवळच्या रुग्णालयात उपचारासाठी नेले. परंतु, डॉक्टरांनी त्यांला मृत घोषित केले.
कृष्णाच्या मृत्यूचे नेमके कारण अद्याप स्पष्ट झालेले नाही. शवविच्छेदन अहवाल येणे बाकी आहे. या घटनेच्या वेळी जलतरण तलावावर जीवरक्षक उपस्थित होते का, याचाही तपास पोलीस करत आहे.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
