दिव्यांग विद्यार्थ्यांच्या कार्यानुभव विषयांच्या लेखी व प्रात्यक्षिक परीक्षांचे वेळापत्रक जाहीर; शालेय स्तरावरच होणार परीक्षा
दिव्यांग विद्यार्थ्यांची कार्यशिक्षण विषयांतर्गत होणाऱ्या लेखी/प्रात्यक्षिक परीक्षेच्या प्रश्नपत्रिका, गुणपत्रिका उत्तर पत्रिका व इतर साहित्याचे वाटप बुधवार दि. 12 मार्च 2025 रोजी सकाळी साडेदहा ते दुपारी पाच या वेळेत मंडळ कार्यालयात करण्यात येणार आहे.
eduvarta@gmail.com 
एज्युवार्ता न्यूज नेटवर्क
दिव्यांग विद्यार्थ्यांची (Disabled students) इयत्ता दहावीची (10thClass) कार्यानुभव विषयांच्या लेखी व प्रात्यक्षिक परीक्षांचे वेळापत्रक (Written and practical examinations time table) जाहीर करण्यात आले आहे. सदर परीक्षा मंगळवार दि.18 मार्च 2025 ते शुक्रवार दि. 28 मार्च 2025 या कालावधीत शालेय स्तरावर (school level) आयोजित करण्यात आल्या आहेत.
या कार्यानुभव विषयांच्या लेखी व प्रात्यक्षिक परीक्षेचे नियोजन संबंधित मुख्याध्यापकांनी करावे याबाबत काही अडचणी अथवा त्रुटी असल्यास मंडळास लेखी स्वरूपात वेळेवर कळवण्यात यावे. त्याचबरोबर कार्यानुभव विषयांच्या परीक्षेसाठी आपल्या शाळेतील कार्य शिक्षण विषय शिक्षकाची नियुक्ती करण्यात यावी असे मुंबई विभागीय मंडळाच्या विभागीय सचिव ज्योत्स्ना शिंदे पवार यांनी परिपत्रकाद्वारे सांगितले आहे.
दरम्यान, दिव्यांग विद्यार्थ्यांची कार्यशिक्षण विषयांतर्गत होणाऱ्या लेखी/प्रात्यक्षिक परीक्षेच्या प्रश्नपत्रिका, गुणपत्रिका उत्तर पत्रिका व इतर साहित्याचे वाटप बुधवार दि. 12 मार्च 2025 रोजी सकाळी साडेदहा ते दुपारी पाच या वेळेत मंडळ कार्यालयात करण्यात येणार आहे.
