केंद्र शासनाच्या JCI कंपनीमध्ये विविध पदांसाठी भरती प्रक्रिया सुरू

एज्युवार्ता न्यूज नेटवर्क  

सरकारी नोकरीच्या शोधत असलेल्यांसाठी महत्वाची माहिती समोर आली आहे. केंद्र शासनाच्या  'ज्यूट कॉर्पोरेशन ऑफ इंडिया लिमिटेड'मध्ये (JCI)  कनिष्ठ निरीक्षक (Junior Inspector), कनिष्ठ सहाय्यक (Junior Officer) आणि लेखापाल (Accountant)  या पदांसाठी आज 10 सप्टेंबर 2024 पासून पदभरती प्रक्रिया (Recruitment process) सुरू झाली आहे. यासाठी अर्ज भरण्याची अंतिम तारीख 30 सप्टेंबर 2024 आहे.

JCI हा भारत सरकारचा असा उपक्रम आहे ज्यामध्ये थेट उच्च पदावर नोकरी मिळवण्याची सुवर्णसंधी आहे. कनिष्ठ निरीक्षक, कनिष्ठ सहाय्यक, लेखापाल अशा विविध पदांवर एकूण 90 जागा भरण्यात येणार आहेत.  

कनिष्ठ निरीक्षक पदासाठी अर्ज करण्यासाठी उमेदवारांनी मान्यताप्राप्त बोर्डातून बारावी उत्तीर्ण असणे आवश्यक आहे. तर कनिष्ठ सहाय्यक, पदवीधर आणि प्रगत लेखापालसाठी M.Com/B.Com पदवी असणे आवश्यक आहे. या भरतीसाठी अर्ज करण्यासाठी उमेदवारांचे कमाल वय ३० वर्षे असावे. 1 सप्टेंबर 2024 रोजी वयाची गणना केली जाईल.

CBT परीक्षा, टायपिंग टेस्ट/ट्रेड टेस्ट, दस्तऐवज पडताळणी आणि अंतिम गुणवत्ता यादीच्या आधारे या पदांवर उमेदवारांची निवड केली जाईल.  सामान्य/ओबीसी/ईडब्ल्यूएस श्रेणीतील उमेदवारांना अर्ज शुल्क म्हणून रु. 250 भरावे लागतील. SC/ST/PH श्रेणीतील उमेदवारांसाठी कोणतेही शुल्क नाही. 

ज्यूट कॉर्पोरेशनच्या या भरतीमध्ये, उमेदवार jutecorp.co.in या  वेबसाइटवरून भरती विभागात जाऊन अर्ज करू शकतात. फॉर्म भरण्यासाठी उमेदवारांना ई-मेल आयडी, मोबाईल क्रमांक, पासपोर्ट आकाराचा फोटो, स्वाक्षरी आणि शैक्षणिक पात्रतेशी संबंधित स्कॅन केलेली कागदपत्रे आवश्यक असतील.