विद्यार्थी गुणवत्ता आणि पटसंख्यावाढीकडे लक्ष द्या; भुसे यांचे शिक्षण विभागाला निर्देश

एज्युवार्ता न्यूज नेटवर्क 

विद्यार्थी गुणवत्ता आणि पटसंख्यावाढीकडे (Student quality and pass rate increase) अधिक लक्ष देऊन स्थानिक स्वराज्य संस्थांतील शाळांमध्ये (Local Schools) विद्यार्थ्यांचा ओघ वाढेल याकडे लक्ष देण्याचे निर्देश शालेय शिक्षणमंत्री दादा भुसे (Education Minister Dada Bhuse) यांनी शिक्षण विभागाच्या अधिकार्‍यांना दिले आहेत. नाशिक जिल्हाधिकारी कार्यालयाच्या नियोजन समिती सभागृहात जिल्हा परिषद शिक्षण विभागाचा (Zilla Parishad Education Department) आढावा घेण्यात आला होता, यावेळी ते बोलत होते. 

सध्या राज्यातील अनेक शाळांमध्ये नवीन उपक्रम राबविले जात आहेत. हे उपक्रम त्या शाळेपुरते मर्यादित न राहता ते सर्व शाळेपर्यंत पोहोचावे, यासाठी नियोजन केले जाईल. विद्यार्थ्यांचा ओढा जिल्हा परिषदेसह स्थानिक स्वराज्य संस्थांच्या शाळेत वाढावा यासाठी अधिक चांगले आणि गुणवत्तापूर्ण वातावरण निर्माण करणे आवश्यक आहे. त्यासाठी शालेय शिक्षण विभागाने प्रयत्न करावेत, असे दादा भुसे म्हणाले. 

पीएम श्री शाळा, विविध शासकीय योजनेव्दारे शाळांच्या पायाभूत भौतिक सुविधांचा विकास. (पिण्याचे स्वच्छ पाणी, कम्पाऊंड वॉल, स्वच्छतागृह, वर्ग खोली बांधकाम व दुरुस्ती इ.), प्रधानमंत्री पोषण शक्ती कार्यक्रम, राजीव गांधी विद्यार्थी अपघात सानुग्रह अनुदान योजना,  इ. ५ वी आणि ८ वी शिष्यवृत्ती परीक्षा, आधार पडताळणी / अपार आयडी,  शालेय विद्यार्थ्यांची आरोग्य तपासणी, हेल्थ कार्ड, निपुण महाराष्ट्र अभियानांतर्गत कृती कार्यक्रम आढावा, पवित्र पोर्टल – शिक्षक भरती टप्पा-२, शिक्षक समायोजन, जिल्हा परिषद – स्मार्ट स्कूल मोहीम,  जिल्हा परिषद क्षेत्रात पटसंख्या वाढवण्यासाठी करण्यात येणाऱ्या उपाययोजनांबाबत, शिक्षक / संस्था / अधिकारी यांनी विद्यार्थी हितासाठी राबविलेले नवउपक्रम, आयडॉल शिक्षक बँक, कस्तुरबा गांधी बालिका विद्यालय शाळा आणि  सुपर – ५० कार्यक्रम आदी योजना आणि उपक्रमांचा शालेय शिक्षण मंत्री दादा भुसे यांनी यावेळी  आढावा घेतला.