नॅशनल थर्मल पॉवर कॉर्पोरेशनमध्ये विविध पदांसाठी भरती प्रक्रिया सुरू 

एज्युवार्ता न्यूज नेटवर्क 

नॅशनल थर्मल पॉवर कॉर्पोरेशन (NTPC) मायनिंग लिमिटेडने विविध पदांसाठी भरती जाहीर (Recruitment announced for various posts) केली आहे. या भरतीसाठी अर्ज प्रक्रिया सुरू (Start the application process) झाली असून इच्छुक आणि पात्र उमेदवारांकडून अर्ज मागवण्यात येत आहेत. यासाठी ऑनलाइन पद्धतीने अर्ज स्वीकारण्यात येत आहेत. उमेदवार नॅशनल थर्मल पॉवर कॉर्पोरेशन मायनिंग लिमिटेडची अधिकृत वेबसाइट ntpc.co.in. वर जावून अर्ज भरू शकतात. अर्ज भरण्याची अंतिम मुदत ५ ऑगस्टपर्यंत देण्यात आली आहे. 

या भरतीअंतर्गत विविध पदे भरली जाणार आहेत. NTPC मध्ये मायनिंग ओव्हरमॅन - 67 पदे, मॅगजिन इनचार्ज - 9 पदे, मेकॅनिकल सुपरवायझर - 28 पदे, इलेक्ट्रिकल सुपरवायझर - 26 पदे, व्होकेशनल ट्रेनिंग इन्स्ट्रक्चर - 8 पदे, जूनियर माइन सर्वेयर - 3 पदे, माइनिंग सरदार - 3 पदे अशा एकूण 144 पदांचा समावेश आहे. 

उमेदवारांना या पदांवर फॉर्म भरण्यासाठी शैक्षणिक पात्रता निश्चित केली गेली आहे. यामध्ये ज्यांनी 10वी किंवा राज्य तांत्रिक बोर्डातून किमान 60 टक्के गुणांसह मायनिंग सर्वेक्षण/ मायनिंग/ इलेक्ट्रिकल/ इलेक्ट्रॉनिक्स/ मेकॅनिकल/ प्रोडक्शन/ सिव्हिल इंजिनीअरिंगमध्ये डिप्लोमा पुर्ण केलेले
 उमेदवार या भरतीसाठी अर्ज करू शकतात. पदानुसार शैक्षणिक पात्रता आणि वयोमर्यादा वेगवेगळी आहे. त्यामुळे उमेदवारांनी मुळ जाहिरात पाहाणे महत्त्वाचे असणार आहे. 

या पदांसाठी अर्ज करण्यासाठी सामान्य, OBC आणि EWS श्रेणीतील उमेदवारांना 300 रुपये फी भरावी लागेल, तर एससी आणि एसटी प्रवर्गातील उमेदवारांना अर्ज करण्यासाठी कोणतेही शुल्क भरावे लागणार नाही.