NEET UG सुधारित स्कोअरकार्ड प्रसिध्द 

एज्युवार्ता न्यूज नेटवर्क 

नॅशनल टेस्टिंग एजन्सी (NTA) ने सर्वोच्च न्यायालयाच्या निर्देशानुसार NEET UG सुधारित स्कोअरकार्ड 2024 जारी केले आहे. अधिकृत संकेतस्थळाला भेट देऊन विद्यार्थी  त्यांचे  स्कोअरकार्ड पाहू शकतात. 23 जुलै रोजी केंद्रीय शिक्षण मंत्री धर्मेंद्र प्रधान यांनी घोषणा केली होती की NEET UG 2024 चा सुधारित अंतिम निकाल येत्या दोन दिवसात जाहीर केला जाईल.

नॅशनल टेस्टिंग एजन्सी (NTA) ने गुरुवारी NEET UG 2024 परीक्षेसाठी सुधारित स्कोअरकार्ड जारी केले. ही दुरुस्ती एका वादग्रस्त भौतिकशास्त्राच्या प्रश्नामुळे झाली. या विषयात एका प्रश्नाची दोन उत्तरे बरोबर असल्याचा दावा NTA ने केला होता. सोमवारी झालेल्या सुनावणीदरम्यान, सर्वोच्च न्यायालयाच्या खंडपीठाने मंगळवारपर्यंत प्रश्न क्रमांक 19 च्या योग्य उत्तरावर एनटीएचे उत्तर सादर करण्याचे आदेश दिले होते. या प्रश्नाबाबत सर्वोच्च न्यायालयाला आयटीआय दिल्लीने स्थापन केलेल्या तीन लोकांचा अहवाल प्राप्त झाला होता. ज्यामध्ये प्रश्नाचे ४ उत्तर योग्य मानले गेले होते. आता याबाबत न्यायालयाने NTA ला पुन्हा निकाल जाहीर करण्यास सांगितले होते. 

 असे तपासा सुधारित स्कोअरकार्ड 

* स्कोअरकार्ड तपासण्यासाठी, उमेदवार प्रथम अधिकृत संकेतस्थळाला भेट द्या. 

* यानंतर  “NEET-UG सुधारित स्कोअरकार्ड” लिंकवर क्लिक करा. 

* नंतर  लॉगिन क्रेडेन्शियल प्रविष्ट करा.
* नंतर  सबमिट बटणावर क्लिक करा.
* यानंतर सुधारित स्कोअरकार्ड उमेदवाराच्या स्क्रीनवर दिसेल.
* आता उमेदवारांनी ते डाउनलोड करावे.
* शेवटी, उमेदवारांनी या पृष्ठाची प्रिंट आउट घ्यावी.