मुंबई विद्यापीठात अखेर निवडणुकीचा गुलाल उधळला जाणार
विद्यापीठाने पुन्हा एकदा २४ सप्टेंबरला निवडणुकीची घोषणा केली आहे.
eduvarta@gmail.com 
एज्युवार्ता न्यूज नेटवर्क
मागील दोन वर्षापासून रखडलेल्या मुंबई विद्यापीठाच्या (Mumbai University)नोंदणीकृत पदवीधरांच्या दहा जागांसाठी अखेर निवडणुकीची प्रक्रिया जाहीर (Process of Election of Graduates)झाली आहे. निवडणूक वेळापत्रकानुसार 24 सप्टेंबर रोजी निवडणूक होणार असून 25 सप्टेंबर रोजी मतमोजणी होणार आहे. दहा जागांपैकी पाच जागा खुल्या प्रवर्गासाठी असतील, तर उर्वरित पाच जागा एससी, एसटी आणि ओबीसी प्रवर्गासाठी आणि महिलांसाठी प्रत्येकी एक जागा राखीव ठेवण्यात आल्या आहेत.त्यामुळे मुंबई विद्यापीठात निवडणुकीचा (Election in Mumbai University)गुलाल पुन्हा उधळाला जाणार आहे.
मुंबई विद्यापीठाच्या अध्यक्षपदी नोंदणीकृत पदवीधरांचे प्रतिनिधित्व महत्त्वाचे मानले जाते. पण गेल्या दोन वर्षांत अधिसभेच्या सदस्यपदासाठी निवडणूक झाली नव्हती. मतदार नोंदणीबाबत आक्षेप घेण्याचा मुद्दा न्यायालयात उपस्थित झाल्यानंतर आता विद्यापीठाने पुन्हा एकदा २४ सप्टेंबरला निवडणुकीची घोषणा केली आहे.
निवडणुकीचे वेळापत्रक
* उमेदवारी अर्ज स्वीकारणे- 06 ऑगस्ट ते 12 ऑगस्ट
* अर्ज पडताळणी - १६ ऑगस्ट
* अर्जाच्या वैधतेबाबत अपील करणे – २० ऑगस्ट
* अर्ज प्राप्त करण्याची अंतिम मुदत – २६ ऑगस्ट
* निवडणूक- 24 सप्टेंबर
* मतमोजनी आणि निकल- 25 सप्टेंबर
