तुझी नोकरी घालवू शकतो; व्यवस्थापन परिषद सदस्याची धमकी, विभाग प्रमुखाचा राजीनामा

एज्युवार्ता न्यूज नेटवर्क 

"माझे हात मंत्रालयापर्यंत पोहचलेले आहेत,अधिवेशनात मुद्दा उपस्थित करून तुम्हाला नौकरीतुन काढू शकतो आणि व्यवस्थापन परिषदेच्या बैठकीत समिती नेमुन तुमची चौकशी लावून शकतो ",अशी धमकी डॉ.बाबासाहेब आंबेडकर मराठवाडा विद्यापीठाच्या (Dr. Babasaheb Ambedkar Marathwada University)एका व्यवस्थापन परिषद सदस्याने (Member of the Management Council)विद्यापीठाच्या आजीवन शिक्षण व विस्तार विभागाचे प्रभारी संचालक डॉ.आनंद वाघ (Director of Lifelong Learning and Extension Department Dr. Anand Wagh)यांना दिल्याची धक्कादायक माहिती समोर आली आहे. तसेच संबंधित व्यवस्थापन परिषद सदस्य दबाव आणत असल्याने आपण विभागप्रमुख पदाचा राजीनामा (Resignation from the post of Head of Department)देत आहे,असा आरोप करणारे लेखी पत्र वाघ यांनी विद्यापीठाच्या कुलसचिवांना दिले आहे.दरम्यान, व्यवस्थापन परिषद सदस्य यांनी वाघ यांच्यावर काही गंभीर आरोप केले आहेत.त्यामुळे शिक्षण वर्तुळात एकाच खळबळ उडाली आहे. 

डॉ.बाबासाहेब आंबेडकर मराठवाडा विद्यापीठातर्फे आजीवन शिक्षण व विस्तार विभागाच्या संचालकपदासाठी जाहीरात प्रसिद्ध करण्यात आली .या पदासाठी अर्ज केलेल्या पात्र उमेदवारांच्या अर्जाची छानणी करून मुलाखतीसाठी निवड झालेल्या उमेदवारांची यादीही संकेतस्थळावर प्रसिध्द करण्यात आली.लवकरच या पदासाठी मुलाखती घेतल्या जाणार आहेत.त्यात डॉ.वाघ यांच्याही नावाचा समावेश आहे.मात्र,माझ्या नियुक्तीला अडचण निर्माण व्हावी म्हणून व्यवस्थापन परिषद सदस्य माझी बदनामी करत आहेत,असा आरोप करणारे लेखी पत्र वाघ यांनी विद्यापीठाच्या कुलसचिवांना दिले आहे.

डॉ. वाघ यांनी राजीनामा पत्रात म्हटले आहे की, "मला ५ जुलै रोजी दुपारी ४.१६ वाजता प्र- कुलगुरूंच्या दालनात बोलावुन घेतले गेले. त्याठिकाणी संबंधित व्यवस्थापन परिसद सदस्य बसले होते. त्यांनी थेट 'तुम्ही महाविद्यालयांना विस्तार युनीट देताना टक्केवारी घेता, महाविद्यालयात जाऊन व्याख्यान देता,असा आरोप केला. तसेच माझे हात मंत्रालयापर्यंत पोहचलेले आहेत, अधिवेशनात मुद्दा उपस्थित करून तुम्हाला नौकरीतुन काढू शकतो आणि ८ जुलै रोजी तुमच्या चौकशीसाठी व्यवस्थापन परिषदेच्या बैठकीत समिती नेमुन त्या समितीचा अध्यक्ष होतो" असेही ते म्हणाले. मला यावेळी बोलण्याची कोणतीही संधी दिली नाही.
 माझ्या विरोधात आतापर्यंत कोणत्याही महाविद्यालयातील प्राचार्यांनी कुलगुरू किंवा त्यांच्या कार्यालयाकडे तक्रार केलेली नाही.मात्र, व्यवस्थापन परिषद सदस्य  कोणालाही माझ्या विरोधात तक्रार देण्यास लावू शकतात, असेही डॉ.वाघ यांनी आपल्या पत्रात नमूद केले आहे. तसेच व्यवस्थापन परिषद सदस्याला त्यांच्या जवळच्या व्यक्तीची आजीवन शिक्षण व विस्तार विभागाच्या संचालकपदी  नियुक्ती करावयाची आहे.त्यासाठी त्याने माझी बदनामी सुरू केली आहे,असा गंभीर आरोपही वाघ यांनी केला आहे. 
-----------------------------------------------