MCC NEET UG तिसऱ्या फेरीच्या नोंदणीला सुरूवात
NEET UG 2024 साठी परीक्षेच्या प्रवेशासाठी समुपदेशनाच्या तिसऱ्या फेरीसाठी आजपासून नोंदणी सुरू झाली आहे. पात्र उमेदवार अधिकृत वेबसाइट mcc.nic.in वर जाऊन त्यांचा नोंदणी अर्ज भरू शकतात.
eduvarta@gmail.com 
एज्युवार्ता न्यूज नेटवर्क
वैद्यकीय समुपदेशन समितीने (Medical Counselling Committee) अंडरग्रेजुएट (NEET UG) 2024 साठी परीक्षेच्या प्रवेशासाठी समुपदेशनाच्या (counselling process) तिसऱ्या फेरीसाठी (Third round) नोंदणीला (Registration) सुरू केली आहे. पात्र उमेदवार अधिकृत वेबसाइट mcc.nic.in वर जाऊन त्यांचा नोंदणी अर्ज भरू शकतात.
अधिकृत अधिसूचनेनुसार,अखिल भारतीय कोटा (15%), मानीत विद्यापीठे, केंद्रीय विद्यापीठे, ऑल इंडिया इन्स्टिट्यूट ऑफ मेडिकल सायन्सेस (AIIMS) संस्था आणि जवाहरलाल इन्स्टिट्यूट ऑफ पोस्ट ग्रॅज्युएट मेडिकल एज्युकेशन अँड रिसर्च (JIPMER) मध्ये प्रवेशासाठी NEET-UG पुडुचेरी आणि कराईकल 2024 साठी ऑनलाइन समुपदेशन आणि वाटप प्रक्रियेसाठी 8 ऑक्टोबर ही अंतिम तारीख निश्चित करण्यात आली आहे.
MCC ने दिलेल्या महितीनुसार, ज्या उमेदवारांनी फेरी 1 आणि राऊंड 2 साठी नोंदणी केली आहे आणि त्यांना कोणतीही जागा देण्यात आली नाही त्यांना पुन्हा नोंदणी करण्याची गरज नाही. पहिल्या आणि दुसऱ्या फेरीत नोंदणी न केलेल्या उमेदवारांसाठी तिसऱ्या फेरीसाठी नवीन नोंदणी सुरू आहे.
अनारक्षित (UR) आणि आर्थिकदृष्ट्या कमकुवत विभाग (EWS) उमेदवारांना NEET UG समुपदेशन 2024 साठी नोंदणी करण्यासाठी 1 हजार रुपये नॉन-रिफंडेबल नोंदणी शुल्क भरावे लागेल. अनुसूचित जाती (SC), अनुसूचित जमाती (ST), इतर मागासवर्गीय (OBC) आणि अपंग व्यक्ती (PWD) श्रेणीतील उमेदवारांना 500 रुपये भरावे लागतील.
