NEET UG Result : महाराष्ट्राचा दबदबा, राज्यातील कृषांग जोशी देशात तिसरा
मागील वर्षी २ लाख ८२ हजार ५१ विद्यार्थ्यांनी या परीक्षेसाठी नोंदणी केली होती. त्यापैकी १ लाख ४२ हजार ८२९ विद्यार्थी या परीक्षेत पात्र झाले होते. यंदा मात्र ही संख्या काहीशी घटल्याचे दिसून येत आहे. राजस्थानचा महेश कुमार पहिला, मध्य प्रदेशचा उत्कर्ष अवधीया दुसरा तर महाराष्ट्रातील कृषांग जोशी याचा तिसरा क्रमांक आला आहे.
eduvarta@gmail.com 
एज्युवार्ता न्यूज नेटवर्क
नॅशलन टेस्टींग एजन्सीने (NTA) मेडिकल प्रवेशासाठी घेतलेल्या NEET UG 2025 चा रिझल्ट आज जाहीर करण्यात आला आहे. यामध्ये महाराष्ट्राचा दबदबा पाहायला मिळाला आहे. राज्यातील कृषांग जोशी याने (Krishang Joshi Rank 3) देशात तिसरा क्रमांक मिळवला आहे. नीट युजी परीक्षेसाठी यंदा राज्यातून २ लाख ४८ हजार २०१ विद्यार्थ्यांनी नोंदणी केली होती. त्यापैकी १ लाख २५ हजार ७२७ विद्यार्थी या परीक्षेत पात्र झाले आहेत. त्यामुळे एकूण निकाल पाहता महाराष्ट्राचा यंदा या परीक्षेत चांगलाच दबदबा पाहायला मिळत आहे.
मागील वर्षी २ लाख ८२ हजार ५१ विद्यार्थ्यांनी या परीक्षेसाठी नोंदणी केली होती. त्यापैकी १ लाख ४२ हजार ८२९ विद्यार्थी या परीक्षेत पात्र झाले होते. यंदा मात्र ही संख्या काहीशी घटल्याचे दिसून येत आहे. राजस्थानचा महेश कुमार पहिला, मध्य प्रदेशचा उत्कर्ष अवधीया दुसरा तर महाराष्ट्रातील कृषांग जोशी याचा तिसरा क्रमांक आला आहे. सर्व टॉपर जनरल कॅटेगरीतील असून केवळ टॉपर लिस्ट टॉप 10 विद्यार्थ्यांमध्ये केवल एक विद्यार्थीनीला स्थान मिळाले आहे.
एनटीएने दिलेल्या माहितीनुसार, या परीक्षेत ९२७ विद्यार्थ्यांनी मराठीमध्ये पेपर दिला आहे. मागील काही वर्षांची आकडेवारी पाहाता ही संख्या मोठ्या प्रमाणावर घटल्याचे दिसून येत आहे. पहिल्या दहामध्ये राज्यातील दोन विद्यार्थी आहेत. त्यामध्ये कृषांग जोशी याची तिसरी रँक असून आरव अगरवाल याची १० रँक आहे. एकूण निकाल पाहाता यामध्ये राज्याचा दबदबा पहायला मिळत आहे.
