JEE Advanced साठी पात्रता निकष पुन्हा बदलले, अटेम्प्टची संख्या झाली कमी
(जेएबी) ने 5 नोव्हेंबरच्या निवेदनात नमूद केलेले निकष मागे घेतले आहेत. ताज्या अपडेटनुसार, पूर्वीचे पात्रता निकष पुन्हा लागू करण्याचा निर्णय मंडळाने घेतला आहे. " 2013 पासून स्वीकारलेल्या पात्रता निकषांनुसार विविध स्पर्धात्मक आवश्यकता लक्षात घेऊन हा निर्णय घेण्यात आला आहे," असे निवेदनात सांगण्यात आले आहे.
eduvarta@gmail.com 
एज्युवार्ता न्यूज नेटवर्क
संयुक्त प्रवेश मंडळाने (Joint Admission Board) JAB पुन्हा एकदा JEE Advanced 2025 साठी पात्रता निकष बदलले आहेत. (Eligibility criteria have changed). प्रवेश मंडळाने नुकतेच जाहीर केलेले पात्रता निकष मागे घेत अटेम्प्टची संख्या दोन केली आहे. (number of attempts back to 2) . बोर्डाने यापूर्वी अटेम्प्टची संख्या तीनपर्यंत वाढवली होती.
जेएबीने 5 नोव्हेंबरच्या निवेदनात नमूद केलेले निकष मागे घेतले आहेत. ताज्या अपडेटनुसार, पूर्वीचे पात्रता निकष पुन्हा लागू करण्याचा निर्णय मंडळाने घेतला आहे. " 2013 पासून स्वीकारलेल्या पात्रता निकषांनुसार विविध स्पर्धात्मक आवश्यकता लक्षात घेऊन हा निर्णय घेण्यात आला आहे," असे निवेदनात सांगण्यात आले आहे.
JEE Advanced परीक्षेची तारीख आणि माहिती बुलेटिन लवकरच अधिकृत वेबसाइट jeeadv.ac.in वर प्रसिद्ध केली जाणार आहे. मंडळाने सांगितले आहे की, JEE Main 2025 मधील उमेदवारांची कामगिरी, वयोमर्यादा, इयत्ता 12 मधील उपस्थिती आणि IITs मधील प्रवेश यासह JEE Advanced 2025 पात्रतेमधील इतर तपशील तसेच राहतील. विद्यार्थी अधिकृत वेबसाइटवर JEE Advanced 2025 पात्रता तपासू शकतात.
JEE Advanced 2025 साठी आवश्यक असलेल्या वयोमर्यादेनुसार, उमेदवारांचा जन्म 1 ऑक्टोबर 2000 रोजी किंवा त्यानंतर झालेला असावा. अनुसूचित जाती (SC), अनुसूचित जमाती (ST) आणि अपंग व्यक्ती (PWD) मधील उमेदवारांना पाच वर्षांची सूट दिली जाते. अशा प्रकारे, या उमेदवारांचा जन्म 1 ऑक्टोबर 1995 रोजी किंवा त्यानंतर झालेला असावा.
