IIT मुंबईमध्ये इंटर्नशिप करण्याची संधी

एज्युवार्ता न्यूज नेटवर्क 

आयआयटी मुंबईमध्ये (IIT Mumbai) इंटर्नशिप (Internship) करण्याची उत्तम संधी इच्छुक उमेदवारांना (candidates) आहे.  IIT बॉम्बेने शैक्षणिक वर्ष 2024-25 साठी प्रतिष्ठित IITB रिसर्च इंटर्नशिप अवॉर्ड्स जाहीर केले आहेत, त्यासाठी अर्ज करण्याची प्रक्रिया (Aplication Process) सुरू झाली आहे. इच्छुक आणि पात्र उमेदवार https://rnd.iitb.ac.in/ या अधिकृत वेबसाइटला भेट देऊन अर्ज करू शकतात. यातून निवडलेल्या विद्यार्थ्यांना IIT मुंबईमध्ये इंटर्नशिप करण्याची संधी मिळणार आहे. 

अर्ज करणारे उमेदवार पदव्युत्तर अभ्यासक्रमाच्या दुसऱ्या वर्षी किंवा बॅचलर प्रोग्रामच्या तिसऱ्या किंवा चौथ्या वर्षात असले पाहिजेत. याव्यतिरिक्त, उमेदवारांना त्यांच्या वर्गातील शीर्ष 20% विद्यार्थ्यांमध्ये स्थान मिळणे आवश्यक आहे.

इंटर्नशिप दरम्यान उमेदवारांची उपस्थिती पूर्ण असणे आवश्यक आहे म्हणजे, त्यांनी या कालावधीत इतर कोणत्याही अभ्यासक्रमाला प्रवेश घेतला नसल्याचा पुरावा प्रदान करणे आवश्यक आहे. इंटर्नशिपचा कालावधी चार ते सहा महिने आहे (जानेवारी ते जून) कोणत्याही अर्धवेळ पर्यायाला परवानगी नाही.

निवड प्रक्रियेमध्ये अर्जांची प्राथमिक छाननी, त्यानंतर परीक्षा/मुलाखत यांचा समावेश होतो. निवड प्रक्रिया उमेदवारांनी त्यांच्या नियमित शैक्षणिक कार्याव्यतिरिक्त केलेल्या शैक्षणिक कामगिरीवर (वर्ग/विद्यापीठातील सापेक्ष श्रेणी) काम, टेकफेस्ट, ऑलिम्पियाड्स, राष्ट्रीय प्रतिभा शोध परीक्षा आणि मुलाखतीमधील कामगिरी यासारख्या स्पर्धांमधील सहभाग/मान्यता यावर अवलंबून असते. निवडलेल्या उमेदवारांना 15,हजार रुपये मासिक स्टायपेंड दिले जाणार आहे.  

अर्ज करण्यासाठी प्रथम https://rnd.iitb.ac.in/  या वेबसाइटला भेट द्या* “New Applicants Register Here” वर क्लिक करा.* नोंदणीसाठी अनिवार्य माहिती भरा.तुमच्या नवीन वापरकर्ता नाव आणि पासवर्डसह अर्ज भरण्यासाठी लॉग इन करा. कृपया IITB रिसर्च इंटर्नशिप अवॉर्ड 2023-24 नमूद करणाऱ्या शेवटच्या ओळीवर क्लिक करा. तुमची संशोधनातील स्वारस्य, संबंधित कौशल्ये आणि ही संधी तुम्हाला तुमची शैक्षणिक उद्दिष्टे साध्य करण्यात कशी मदत करेल हे  500 शब्दात लिहून सबमिट करा. सर्व आवश्यक कागदपत्रे अपलोड करा, ज्यात तुमच्या वर्गातील तुमची रँक दर्शविणाऱ्या तुमच्या मुख्याध्यापकांच्या प्रमाणपत्र असणे बंधनकारक आहे.