तासिका तत्वावर नेमलेल्या शिक्षकांच्या मानधनात वाढ

एज्युवार्ता न्यूज नेटवर्क 

राज्य सरकारने माध्यमिक व उच्च माध्यमिक शाळा आणि कनिष्ठ महाविद्यालयांमध्ये तासिका तत्त्वावर काम करणाऱ्या शिक्षकांच्या मानधनात अनेक वर्षांनंतर वाढ केली आहे. राज्यातील मान्यताप्राप्त खाजगी अनुदानित माध्यमिक व उच्च माध्यमिक / कनिष्ठ महाविद्यालयांमध्ये (In recognized private aided secondary and higher secondary/junior colleges in the state) घड्याळी तासिका तत्त्वावर कार्यरत असणाऱ्या शिक्षकांच्या मानधनांमध्ये वाढ (Increase in teachers' salaries) करण्यात आली आहे. त्याप्रमाणे उच्च माध्यमिक / कनिष्ठ महाविद्यालयातील शिक्षकांसाठी  पूर्वीचा दर प्रति तास 150 रुपये होता आता तो 300 रुपये प्रति तास करण्यात आला आहे.  तर माध्यमिकच्या शिक्षकांसाठी पूर्वीचा दर 120 रुपये होता जो सुधारित करून 250 रुपये  करण्यात आला आहे. 

घड्याळी तासिका तत्वावर नियुक्त करण्यात येणारे शिक्षक पूर्णवेळ शिक्षकांप्रमाणे अर्हताप्राप्त असावेत. अर्हता पूर्ण नसलेल्या शिक्षकांची घड्याळी तासिका तत्त्वावर नियुक्ती करण्यात येऊ नये. तसेच घड्याळी शिक्षकांची मानधन नियमितपणे अदा करण्यात येईल याची शिक्षण संचालक, (माध्यमिक व उच्च माध्यमिक) पुणे यांनी दक्षता घ्यावी, असे शिक्षण विभागामार्फत सांगण्यात आले आहे.

दरम्यान, राज्यातील मान्यताप्राप्त प्राथमिक शाळा, उच्च माध्यमिक शाळा व कनिष्ठ महाविद्यालयातून एखाद्या विषयासाठी अर्धवेळ शिक्षकांसाठी आवश्यक असलेला कार्यभार उपलब्ध होऊ शकत नसेल तर अशा विषयाच्या अध्यापनासाठी अर्हता प्राप्त व्यक्तीची तासिका तत्वावर नियुक्ती करण्यात येते. त्यांना घड्याळी तासिकेनुसार मानधन देण्यात येते.