हृदयद्रावक घटना: झाशीच्या मेडीकल काॅलेजला आग, 10 नवजात बालके दगावली

एज्युवार्ता न्यूज नेटवर्क 

उत्तर प्रदेश येथील एका हाॅस्पीटलमध्ये अचानक लागलेल्या आगीमुळे दहा नवजात बालकांचा मृत्यू झाल्याची धक्कादायक बातमी समोर आली आहे. झाशी येथील मेडिकल काॅलेज (Jhansi Medical College) मधील शिशु NICU केंद्राला (Infant NICU Center) शार्ट सर्किटमुळे अचानक लागलेल्या (Fire at Jhansi Medical College) आगीमुळे ही हृदय हेलावणारी दुःखद आणि चिंताजनक घटना घडली. आग लागल्यानतर हॉस्पिटलमध्ये चेंगराचेंगरी देखील झाली. त्यानंतर खिडक्या फोडून रूग्ण आणि त्यांच्या नातेवाईकांना बाहेर काढण्यात आले. 
_________________________________

झाशीमधील मेडिकल कॉलेजच्या NICU दुर्घटनेमध्ये मुलांचा झालेला मृत्यू अतिशय दुःखद आणि हृदयद्रावक आहे. जिल्हा प्रशासन आणि संबंधित अधिकाऱ्यांना युद्धपातळीवर मदत व बचाव कार्य करण्याच्या सूचना देण्यात आल्या आहेत. मृतांच्या आत्म्यांना मोक्ष मिळो आणि जखमींची प्रकृती लवकरात लवकर बरी होवो, अशी प्रभू श्री राम चरणी प्रार्थना.

योगी आदित्यनाथ, मुख्यमंत्री,  युपी
_________________________________

मेडिकल कॉलेजमध्ये उपस्थित असलेल्या अधिकाऱ्यांनी दिलेल्या माहितीनुसार रात्री 10:30 ते 10:45 च्या दरम्यान नवजात अतिदक्षता विभागामध्ये (NICU) शॉर्ट सर्किटमुळे आग लागली. बाहेरील भागामध्ये असणाऱ्या जवळपास सर्वच लहान मुलांना वाचवण्यात आले. पण आतमध्ये असणाऱ्या 10 नवजात बाळांचा मृत्यू झाल्याची माहिती समोर आली. घटनेचा तपास करण्यासाठी मंडळ आयुक्त आणि पोलीस उपमहानिरीक्षकांच्या नेतृत्वामध्ये समिती स्थापन करण्यात आली आहे. 
__________________________________

अविनाश कुमार,  जिल्हाधिकारी,  झासी 

वैद्यकीय व्यवस्थापन आणि प्रशासनाच्या निष्काळजीपणाचे किंवा निकृष्ट दर्जाचे ऑक्सिजन कॉन्सन्ट्रेटरचे थेट प्रकरण आहे. याप्रकरणी जबाबदार असलेल्या सर्वांवर दंडात्मक कारवाई करण्यात यावी. मुख्यमंत्र्यांनी निवडणूक प्रचार आणि 'सगळे ठीक असल्याचे खोटे दावे' सोडून आरोग्य आणि औषधांच्या बिकट स्थितीकडे लक्ष द्यायला हवे.

अखिलेश यादव, माजी मुख्यमंत्री, युपी)