ग्लोबल स्टुडंट प्राइज 2024 : तीन भारतीय विद्यार्थ्यांचा यादीत समावेश
हा वार्षिक पुरस्कार शिक्षण क्षेत्रात आणि समाजावर प्रत्यक्ष प्रभाव टाकणाऱ्या अपवादात्मक विद्यार्थ्याला देण्यात येतो.
eduvarta@gmail.com 
एज्युवार्ता न्यूज नेटवर्क
भारतातील तीन विद्यार्थ्यांनी ग्लोबल स्टुडंट प्राइज 2024 (Global Student Prize 2024) साठी टॉप 50 विद्यार्थ्यांच्या यादीत स्थान (Ranked in Top 50 Students List) मिळवले आहे. 176 देशांतील विद्यार्थ्यांमधून या विद्यार्थ्यांची निवड करण्यात आली आहे. हा वार्षिक पुरस्कार शिक्षण क्षेत्रात (Annual Award Education Sector) आणि समाजावर प्रत्यक्ष प्रभाव टाकणाऱ्या अपवादात्मक विद्यार्थ्याला देण्यात येतो. यामध्ये नाव जाहीर झालेल्या भारतीय विद्यार्थ्यांनी वेगवेगळ्या विषयांवर प्रकाश टाकला आहे, त्यामुळे त्यांना या पुरस्कारने सन्मानित करण्यात येणार आहे.
या तीन भारतीय विद्यार्थ्यांनी 'Cheg.org ग्लोबल स्टुडंट प्राइज' 2024 साठी टॉप 50 उमेदवारांमध्ये स्थान मिळवले आहे. या यादीतील विद्यार्थ्यांना एक लाख अमेरिकन डॉलर्सची रक्कम बक्षीस म्हणून दिली जाते. या पुरस्कारासाठी बीजीएस नॅशनल पब्लिक स्कूल, बेंगळुरूचा 17 वर्षीय विद्यार्थी प्रज्वल नवीन हलाले, नॅशनल पब्लिक स्कूल आरएनआर, बेंगळुरूचा 16 वर्षीय विद्यार्थी दिवा उत्कर्ष आणि 17 वर्षीय कविन शर्मा ने स्थान पटकावले आहे.
या पुरस्कारासाठी 176 देशांतून 11 हजाराहून अधिक अर्ज आले होते. या वर्षी टॉप 50 बनलेल्या विद्यार्थ्यांनी वेगवेगळ्या विषयावर प्रकाश टाकला आहे. यामध्ये पर्यावरण, समानता आणि न्यायापर्यंत, आरोग्य आणि निरोगीपणापासून ते शिक्षण आणि कौशल्यांपर्यंत, तरुणांच्या सक्षमीकरणापासून गरिबी निर्मूलनापर्यंत अशा विषयांवर विद्यार्थ्यांनी काम केले आहे. तसेच टॉप 10 ची 'ग्लोबल स्टुडंट प्राइज' 2024 ची यादी सप्टेंबरमध्ये जाहीर होण्याची अपेक्षा आहे.
