पुणे विद्यापीठात ग्लोबल एज्युकेशन फेअर; 5 हजार विद्यार्थी लावणार उपस्थिती
सावित्रीबाई फुले पुणे विद्यापीठाच्या आंतरराष्ट्रीय केंद्राच्या वतीने आणि SYU ऑनलाइन डिजिटल एज्युकेशन फाउंडेशन अँड ग्लोबल व्हिजनच्या सहकार्याने येत्या 7 डिसेंबर रोजी हा कार्यक्रम पार पडणार आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University) आंतरराष्ट्रीय केंद्राच्या वतीने आणि SYU ऑनलाइन डिजिटल एज्युकेशन फाउंडेशन अँड ग्लोबल व्हिजनच्या सहकार्याने येत्या 7 डिसेंबर रोजी सकाळी 9 ते सायंकाळी 6 वाजेपर्यंत विद्यापीठात 'इंटरनॅशनलायजेशन ऑफ हायर एज्युकेशन डायलॉग अँड ग्लोबल एज्युकेशन फेअर (Internationalization of Higher Education Dialogue and Global Education Fair) 2024' चे आयोजन करण्यात आले आहे. या कार्यक्रमाला विविध देशातील सुमारे 30 विद्यापीठांचे कुलगुरू व प्रतिनिधी एज्युकेशन फेअरला उपस्थित राहणार आहेत.तसेच सुमारे पाच हजार विद्यार्थी या फेअरला भेट देतील, अशी अपेक्षा विद्यापीठातील अधिकाऱ्यांनी व्यक्त केली आहे.
पुणे विद्यापीठात आयोजित करण्यात आलेल्या या ग्लोबल एज्युकेशन फेअर 2024 साठी ऑस्ट्रेलिया, कॅनडा, युरोप, युके, युएसए यासह भारतातील विविध विद्यापीठांचे कुलगुरू व प्रतिनिधी उपस्थित राहणार आहेत. इंटरनॅशनलायजेशन ऑफ हायर एज्युकेशनच्या दृष्टीने जगभरातील विद्यापीठांमध्ये काय बदल घडवून यायला हवा, याबाबत एज्युकेशन फेअर मध्ये विविध विषयांवर चर्चा केली जाणार आहे. या निमित्ताने विद्यार्थ्यांसाठी मोफत IELTS, TOEFL आणि GRE परीक्षांच्या तयारीसह शिष्यवृत्तीच्या संधी देण्याचा प्रयत्न आहे.
इंटरनॅशनलायजेशन ऑफ हायर एज्युकेशन डायलॉग अँड ग्लोबल एज्युकेशन फेअर 2024' या निमित्ताने विद्यार्थ्यांसाठी विवध सोई -सुविधा उपलब्ध करून दिल्या जाणार आहेत. एज्युकेशन फेअरमुळे विद्यापीठ आणि विद्यार्थ्यांना शैक्षणिक नेतृत्वासह नेटवर्किंगच्या संधी उपलब्ध होणार आहेत. त्याशिवाय संयुक्त संशोधन सहयोग आणि प्रकाशनाच्या संधी, तसेच मोफत करिअर समुपदेशन आणि अनुरूप मार्गदर्शन लाभणार आहे.
View this post on Instagram
