पुण्यातील किंसुगी व्हिलेजमध्ये बालदिन उत्साहात साजरा
लहानपणीच्या गोड गोष्टी, काजूकंद, श्रीखंडाच्या गोळ्या, बॉबी, बडीशेपच्या गोळ्या, प्राण्यांच्या आकाराची बिस्किटे याचा आस्वाद घेत आपल्या बालपणीच्या आठवणींना उजाळा दिला.
eduvarta@gmail.com 
एज्युवार्ता न्यूज नेटवर्क
पुण्यातील कोथरूड परिसरातील (kothrud, Pune) किंसुगी व्हिलेज या डे-केअर ऍक्टिव्हीटीज् सेंटर आणि प्री-स्कूलमध्ये (Kinsugi Village is a day-care activities center and pre-school) बालदिनाचे (childrens day Celebration) औचित्य साधत मुले आणि पालकांसाठी जुने पारंपारिक खेळ ज्यात गोटया, लगोरी, सागर-गोटे, विटी-दांडू, भोवरे, भिंगऱ्या, सापशिडी, लंगडी, भातुकलीचे खेळ यांसारखे विविध मनोरंजनात्मक खेळ (Recreational games) आयोजित करण्यात आले होते. या सर्व खेळांचा उपस्थित मुले आणि पालकांनी मनमुराद आनंद लुटला.
पालकांनी लहानपणीच्या गोड गोष्टी, काजूकंद, श्रीखंडाच्या गोळ्या, बॉबी, बडीशेपच्या गोळ्या, प्राण्यांच्या आकाराची बिस्किटे याचादेखील आस्वाद घेत आपल्या बालपणीच्या आठवणींना उजाळा दिला.
किंसुगी व्हिलेज डे केअर आणि ब्लू रॅम्प मॅनेजमेंट कंपनी यांच्या संयुक्त विद्यमाने "हॅपी फॅमिलीज्" या नावाचे व्यासपीठ सुरू केले आहे. ज्यात पालक आणि मुलांसाठी दरमहा विविध कार्यक्रमांचे आयोजन करण्यात येणार असून आई-वडील आणि मूल यांना एकत्र वेळ घालवण्यासाठी संधी उपलब्ध होणार आहे.
