कचरा वेचकांच्या मुलांना शिक्षणासाठी मिळणार अर्थसहाय्य

एज्युवार्ता न्यूज नेटवर्क 

आताच्या युगात शिक्षण (Education) हे अतिशय महत्वाचे झाले आहे. शिक्षणाचे महत्व लक्षात घेता, पिंपरी-चिंचवड महानगरपालिकेच्या (Pimpri-Chinchwad Municipal Corporation) हद्दीतील कचरा वेचकांच्या मुलांना (Children of garbage collectors) शिक्षणासाठी अर्थसहाय्य (Financial assistance for education) देण्यात येणार आहे. इयत्ता पहिली ते सातवीमध्ये (Class I to VII) शिकत असलेल्या विद्यार्थ्यांना चार हजार रुपये, तर इयत्ता आठवी ते दहावीतील (Class VIII to X) विद्यार्थ्यांना सहा हजार रुपये देण्यात येणार आहेत.

महापालिकेच्या हद्दीत राहत असलेले व कचरा वेचकांचे काम करणाऱ्यांच्या मुलांचे जीवनमान उंचावणे. त्यांचे सक्षमीकरण करणे, पैशांअभावी शिक्षणात खंड पडू नये यासाठी ही शैक्षणिक अर्थसहाय्याची योजना सुरू करण्यात आली आहे. या योजनेला आयुक्त शेखर सिंह (Commissioner Shekhar Singh) यांनी मान्यता दिली आहे. त्यामुळे आता इयत्ता पहिली ते दहावीपर्यंतच्या विद्यार्थ्यांना अर्थसहाय्य दिले जाणार आहे.

या योजनेच्या अर्जासोबत महापालिका हद्दीतील आधारकार्ड, मतदार ओळखपत्र, विद्यार्थ्यांची मागील वर्षीच्या गुणपत्रिकेची प्रत, सध्याच्या इयत्तेमध्ये प्रवेश घेतल्याचे बोनाफाइड प्रमाणपत्र, बँक खात्याच्या पासबुकची प्रत जोडणे आवश्यक असणार आहे. याशिवाय कचरा वेचक पालक नोंदणीकृत कचरा वेचक संघटनेचे सभासद असल्याचे प्रमाणपत्र देखील सोबत जोडणे आवश्यक आहे. तसेच इयत्ता आठवी ते दहावीमध्ये ५० टक्के आणि त्यापेक्षा जास्त गुण संपादन करणाऱ्या कचरा वेचकांच्या मुलांसाठी सायकल घेण्यासाठी सात हजार रुपये अर्थसहाय्य देण्यात येणार आहे.