CBSE : दहावी-बारावी पुरवणी परीक्षेचे वेळापत्रक जाहीर
विद्यार्थी अधिकृत वेबसाइटला भेट देऊन आपले वेळापत्रक डाउनलोड करू शकतात.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) दहावी-बारावी (10th-12th) पुरवणी परीक्षेचे वेळापत्रक (Exam Timetable) cbse.gov.in या अधिकृत वेबसाइटवर PDF स्वरूपात ऑनलाइन (Online ) प्रसिद्ध केले आहे. त्यामुळे विद्यार्थी अधिकृत वेबसाइटला भेट देऊन आपले वेळापत्रक त्वरित डाउनलोड करू शकतात.
CBSE ने जाहीर केलेल्या संभाव्य वेळापत्रकानुसार इयत्ता 12वीच्या सर्व विषयांच्या परीक्षा 15 जुलै 2024 रोजी फक्त एकाच दिवशी घेतल्या जातील. इयत्ता 12वीची परीक्षा सकाळी 10:30 ते दुपारी 12:30 आणि सकाळी 10:30 ते 1:30 या वेळेत विषयनिहाय घेण्यात येणार आहे.
तर 10 वीची परीक्षा 15, 16, 18, 19, 20 आणि 22 जुलै असे सहा दिवस असणार आहे. दहावीच्या परीक्षेसाठीची वेळ सकाळी 10:30 ते 12:30 आणि सकाळी 10:30 ते 1:30 या वेळेत विषयनिहाय घेण्यात येणार आहे.
दरम्यान, यावर्षी दहावीच्या 1.32 लाख आणि बारावीच्या 1.22 लाख विद्यार्थ्यांनी सप्लिमेंटरी (supplementary) घेतली आहे. परीक्षेला बसण्यासाठी हे विद्यार्थी १५ जूनपर्यंत सीबीएसईच्या अधिकृत वेबसाइटला भेट देऊन ऑनलाइन पद्धतीने अर्ज प्रक्रिया पूर्ण करू शकतात.
