राज्य मंत्रिमंडळाची मोठा निर्णय, विद्यार्थ्यांच्या विद्यावेतनात भरीव वाढ
राज्यातील शासकीय भौतिकोपचार आणि व्यवसायोपचार पदवी विद्यार्थ्यांच्या विद्यावेतनात ६२५० रुपयांची वाढ करण्याचा महत्त्वाचा निर्णय घेण्यात आला आहे. तसेच पदव्युत्तर पदवी विद्यार्थ्यांच्या विद्यावेतनात १० हजार रुपयांची वाढ करण्याचा निर्णय घेण्यात आला आहे. त्यामुळे पदवी व पदव्युत्तर पदवीच्या विद्यार्थ्यांसाठी हा मोठा दिलासा मानला जात आहे.
eduvarta@gmail.com 
एज्युवार्ता न्यूज नेटवर्क
राज्याचे मुख्यमंत्री देवेंद्र फडणवीस (Chief Minister Devendra Fadnavis) यांच्या उपस्थितील आज मंत्रिमंडळाची बैठक (Cabinet meeting) पार पडली. या बैठकीत विद्यार्थ्यांच्या दृष्टीने महत्त्वाचे निर्णय घेण्यात आले आहेत. यातील पहिला निर्णय म्हणजे महाराष्ट्र राज्य अनुसूचित जाती आयोगास वैधानिक दर्जा दिला जाणार आहे. तसेच राज्यातील विद्यार्थ्यांच्या विद्यावेतनातही मोठी वाढ (Student Fellowship Increase) करण्यात आली आहे. तसेच उत्पादन शुल्कातही सुधारणा करण्याचा निर्णय घेतला आहे.
राज्यातील शासकीय भौतिकोपचार आणि व्यवसायोपचार पदवी विद्यार्थ्यांच्या विद्यावेतनात ६२५० रुपयांची वाढ करण्याचा महत्त्वाचा निर्णय घेण्यात आला आहे. तसेच पदव्युत्तर पदवी विद्यार्थ्यांच्या विद्यावेतनात १० हजार रुपयांची वाढ करण्याचा निर्णय घेण्यात आला आहे. त्यामुळे पदवी व पदव्युत्तर पदवीच्या विद्यार्थ्यांसाठी हा मोठा दिलासा मानला जात आहे.
त्याचबरोबर बी.एस्सी. नर्सिंग अभ्यासक्रमाच्या विद्यार्थ्यांनाही आठ हजार रुपयांचे विद्यावेतन देण्याचा निर्णय वैद्यकीय शिक्षण व औषधी द्रव्ये विभागाकडून घेण्यात आला आहे. त्यामुळे वरील सर्व विद्यार्थ्यांना आता मोठा फायदा होणार असून त्यांच्या शिक्षणाला सरकारचा हातभार लागणार आहे. यामुळे सामान्य कुटुंबातील विद्यार्थ्यांना याचा अधिकचा फायदा होण्याची शक्यता आहे.
