टाटा इन्स्टिट्यूटने घातली विद्यार्थी संघटनेवर बंदी 

एज्युवार्ता न्युज नेटवर्क 

टाटा इन्स्टिट्यूट ऑफ सोशल सायन्सेसने (TISS) प्रोग्रेसिव्ह स्टुडंट्स फोरमवर (PSF) बंदी घातली आहे. PSF हा एक अनधिकृत (Unauthorized) आणि बेकायदेशीर (Illegal) मंच आहे, जो प्राध्यापक (Professor) आणि विद्यार्थ्यांमध्ये (students) फूट पाडत असून शैक्षणिक कामकाजात अडथळा निर्माण करत आहे, असा आरोप संस्थेने केला आहे.  

TISS चे रजिस्ट्रार प्राध्यापक अनिल सुतार (Anil Sutar) यांनी काढलेल्या आदेशात म्हटले आहे की, “ प्रोग्रेसिव्ह स्टुडंट्स फोरम ही संघटना कॅम्पसमध्ये अनधिकृत आणि बेकायदेशीरपणे काम करत आहे. कथितरित्या 'PSF TISS'. हा गट संस्थेच्या कार्यात अडथळे आणत असून संस्थेची बदनामी करत आहे. संस्थेतील  सदस्यांना अपमानित करणाऱ्या आणि विद्यार्थी आणि प्राध्यापकांमध्ये फूट निर्माण करणाऱ्या कृतींत अडकलेला आहे.असे दिसून आले आहे.  हा गट विद्यार्थ्यांची दिशाभूल करत आहे, त्यांचे लक्ष विचलित करत आहे. शैक्षणिक व कॅम्पसमधील चांगले वातावरण बिघडवत आहे. 

संस्थेचे प्राध्यापक रामदास प्रिनी शिवनादन यांच्या वादग्रस्त निलंबनाचा संस्थेतील काही प्राध्यापक आणि विद्यार्थ्यांनी निषेध केला होता. निषेध करणार्‍यांना संस्थेतून दोन वर्षांसाठी प्रतिबंधित करण्यात आले होते. जूनमध्ये TISS कडून जवळपास 100 शिक्षक आणि शिक्षकेतर कर्मचाऱ्यांच्या सेवा बंद करण्याच्या निर्णयाचा PSF ने विरोध केला होता. संस्थेने नंतर हा निर्णय मागे घेतला.दरम्यान, वायनाड येथील रहिवासी असलेल्या रामदास यांनी निलंबनाचा आदेश रद्द करण्यासाठी मुंबई उच्च न्यायालयात (Mumbai High Court) धाव घेतली आहे.