'एमपीएससी'मार्फत विविध पदांच्या ३६२ जागांसाठी अर्ज प्रक्रिया सुरू 

एज्युवार्ता न्यूज नेटवर्क            

महाराष्ट्र लोकसेवा आयोगाने (MPSC) प्राध्यापक, सहाय्यक प्राध्यापक आणि सहाय्यक आयुक्त या पदांसाठी (Professor, Assistant Professor and Assistant Commissioner Posts) जाहिरात प्रसिद्ध केली आहे. या भरती मोहिमेअंतर्गत एकूण ३६२ रिक्त जागा भरल्या जाणार आहेत आहेत. त्यासाठी इच्छुक आणि पात्र उमेदवारांकडून अर्ज मागवण्यात आले  (Recruitment process begins) आहेत. अर्ज प्रक्रिया सुरू झाली असून, अर्ज करण्याची शेवटची तारीख ९ जून २०२५ (Deadline June 9, 2025) आहे. उमेदवारांना आयोगाचे अधिकृत संकेतस्थळ https://mpsc.gov.in/ वर जाऊन अर्ज भरता येणार आहे. 

या भरती प्रक्रियेत सहभागी होऊ इच्छिणाऱ्या उमेदवारांना ऑनलाइन पद्धतीने अर्ज करावा लागणार आहे. त्यासाठी उमेदवाराचे उमेदवाराचे किमान वय १९ असणे आवश्यक आहे आणि कमाल वय ४५ पेक्षा अधिक असू नये. त्यासाठी खुला प्रवर्गासाठी उमेदवारांना ७९९ रुपये अर्ज शुल्क भरावा लागणार आहे. तसेच मागासवर्गीय/ आर्थिकदृष्ट्या दुर्बल विभाग/ अनाथ/ अपंग उमेदवारांसाठी ४४९ रुपये शुल्क आकारले जाईल.

या भरतीमध्ये एकूण ३६२ पदांचा समावेश आहे. यामध्ये प्राध्यापक पदासाठी ४७ जागा, सहाय्यक प्राध्यापक पदासाठी ४ जागा आणि सहायक आयुक्त पदासाठी ३११ जागा उपलब्ध आहेत. इच्छूक उमेदवारांनी अधिक माहितीसाठी एमपीएससीच्या अधिकृत संकेतस्थळाला भेट द्यावी.

प्राध्यापक पदासाठी अर्ज करू इच्छिणाऱ्या उमेदवारांकडे MD, DNB, बॅचलर डिग्री, मास्टर डिग्री, MBBS सह M.Sc., M.Sc. सह Ph.D., M.Sc. सह D.Sc., DM, डिप्लोमेट किंवा M.Ch. यापैकी कोणतीही एक पदवी असणे आवश्यक आहे. सहाय्यक प्राध्यापक पदासाठी, उमेदवारांनी M.D. (फॉरेन्सिक मेडिसिन) किंवा DNB (फॉरेन्सिक मेडिसिन) पदवी घेतली असावी आणि त्यांना संबंधित कामाचा अनुभव असणे आवश्यक आहे. सहायक आयुक्त या पदासाठी अर्ज करण्यासाठी, उमेदवाराकडे पशुवैद्यकशास्त्रातील पदव्युत्तर पदवी असणे बंधनकारक आहे.