ऑल इंडिया बार एक्झामिनेशनचे प्रवेशपत्र प्रसिद्ध, असे डाउनलोड करू शकता

एज्युवार्ता न्यूज नेटवर्क 

बार कौन्सिल ऑफ इंडिया (BCI) ऑल इंडिया बार एक्झामिनेशन २१ (AIBE 21 ) परीक्षेसाठी प्रवेशपत्रे जारी (Issue of admit cards) करणार आहे. या प्रमाणपत्र परीक्षेला बसण्यासाठी आपल्या प्रवेशपत्रांची आतुरतेने वाट पाहणारे उमेदवार आज allindiabarexamination.com या अधिकृत वेबसाइटला भेट देऊन आपली प्रवेशपत्रे मिळवू शकतील. प्रवेशपत्र डाउनलोड करण्यासाठी उमेदवारांना त्यांच्या लॉगिन क्रेडेन्शियल्सचा वापर करावा लागेल.

ऑल इंडिया बार एक्झामिनेशन ही बीसीआयद्वारे आयोजित केली जाते. ही परीक्षा एलएलबी ३ वर्षे किंवा ५ वर्षे पूर्ण केलेले उमेदवार, ज्यांनी राज्य बार काउन्सिलमध्ये नोंदणी केली आहे, अशा विद्यार्थ्यांसाठी ही परीक्षा घेतली जाते. परीक्षेत उत्तीर्ण झालेल्या विद्यार्थ्यांना एक प्रमाणपत्र दिले जाते, जे कायद्याच्या पदवीधरांना वकिली करण्याचा परवाना देते. उमेदवार २२ मे २०२६ रोजी संध्याकाळी ११:३० नंतर अधिकृत वेबसाइटवर प्रवेशपत्र विद्यार्थ्यांसाठी उपलब्ध करुन देण्यात आले आहेत. ही परीक्षा ७ जून २०२६ रोजी ऑफलाइन (पेन-पेपर) मोडमध्ये देशभरातील विविध केंद्रांवर सकाळी १ ते ४ या वेळेत घेण्यात येणार आहे. 

असे डाउनलोड करा प्रवेशपत्र

ऑल इंडिया बार एक्झामिनेशनचे प्रवेशपत्र डाउनलोड करण्यासाठी, सर्वप्रथम allindiabarexamination.com या अधिकृत वेबसाइटला भेट द्या. आता, वेबसाइटच्या होमपेजवरील 'ऍडमिट कार्ड' सेक्शनवर क्लिक करा. यानंतर, तुमचे लॉगिन क्रेडेन्शियल्स टाका. तुमचे लॉगिन क्रेडेन्शियल्स टाकल्यानंतर, प्रवेशपत्र तुमच्या स्क्रीनवर उघडेल. त्याला डाउनलोड करून त्याची प्रिंटआउट काढून घ्या. प्रवेशपत्र डाउनलोड केल्यानंतर, प्रवेशपत्रावरील आपले नाव, रोल नंबर, परीक्षा केंद्राचे नाव इत्यादी काळजीपूर्वक तपासून घ्यावी, असा सर्व उमेदवारांना सल्ला देण्यात आला आहे

ही परीक्षा ७ जून २०२६ रोजी विविध परीक्षा केंद्रांवर घेतली जाईल. उमेदवारांना १०० गुणांसाठी १०० बहुपर्यायी प्रश्न विचारले जातील. परीक्षेचा कालावधी ३ तास ​​३० मिनिटे आहे. चुकीच्या उत्तरांसाठी नकारात्मक गुण नाहीत.