SPPU: दिमाखात पार पडला राष्ट्रीय सेवा योजना पारितोषिक वितरण सोहळा

एज्युवार्ता न्यूज नेटवर्क

सावित्रीबाई फुले पुणे विद्यापीठातील (Savitribai Phule Pune University) राष्ट्रीय सेवा योजनेचा (National Service Scheme) दि.१ ऑक्टोबर रोजी पारितोषिक वितरण सोहळा (Prize distribution ceremony) पार पडला. विद्यापीठाचे कुलगुरू प्रो.डॉ.सुरेश गोसावी (Vice Chancellor of the University Prof. Dr. Suresh Gosavi) यांच्या प्रमुख उपस्थित या सोहळ्याचे संत ज्ञानेश्वर सभागृह (Sant Dnyaneshwar Auditorium) येथे आयोजन करण्यात आले होते.

यावेळी सन 2021-22 , 2022-23 व 2023-24 या शैक्षणिक वर्षांमध्ये राष्ट्रीय सेवा योजनेच्या माध्यमातून दिलेल्या विशेष योगदानाबद्दल पुणे, अहमदनगर व नाशिक जिल्ह्यातील महाविद्यालय, कार्यक्रम अधिकारी आणि स्वयंसेवक यांना जिल्हा आणि विद्यापीठ स्तरावरील पुरस्कार प्रदान करून गौरवण्यात आले.

राष्ट्रीय सेवा योजनेचे जिल्हा समन्वयक, राष्ट्रीय सेवा योजनेच्या विविध राज्य आणि राष्ट्रीय स्तरावरील शिबिरांकरिता संगणक म्हणून सावित्रीबाई फुले पुणे विद्यापीठाचे प्रतिनिधित्व करणारे कार्यक्रम अधिकारी, राज्य आणि राष्ट्रीय प्रजासत्ताक दिन संचलनामध्ये सहभागी झालेल्या राष्ट्रीय सेवा योजना स्वयंसेवकांचा आणि 'उत्कर्ष ' राज्यस्तरीय सांस्कृतिक स्पर्धेतील विद्यापीठाच्या विजेत्या रासेयो संघाचा या कार्यक्रमात सन्मान करून गौरव करण्यात आला आहे.

या पुरस्कार सोहळ्याला प्र-कुलगुरू प्रो.डॉ.पराग काळकर, प्रभारी कुलसचिव प्रो.डॉ.अविनाश कुंभार, वित्त व लेखाधिकारी चारुशीला गायके, विद्यापीठाच्या व्यवस्थापन परिषदेचे सदस्य रवींद्र शिंगणापूरकर, बागेश्री मंठाळकर, डॉ.ज्योत्सना एकबोटे, प्रो.डॉ.नितीन घोरपडे, विद्यापीठ अधिसभा सदस्य प्रेसेनजीत फडणवीस, डॉ.अमित गोगावले, डॉ.अभिजीत कुलकर्णी, संचालक विद्यार्थी विकास मंडळ आणि प्रो.डॉ.सदानंद भोसले, संचालक राष्ट्रीय सेवा योजना तसेच पुणे, अहमदनगर आणि नाशिक जिल्ह्यातील विविध महाविद्यालयातील 400 हुन अधिक प्राचार्य, रासेयो कार्यक्रम अधिकारी, स्वयंसेवक आदी मान्यवर उपस्थित होते.