मुलीचा लैंगिक छळ केल्याप्रकरणी, शिक्षकाची काढली धिंड.. 

एज्युवार्ता न्यूज नेटवर्क 

बदलापूर घटनेनंतर राज्यातून दररोज लैंगिक अत्याचाराच्या अनेक घटना (Sexual assault incidents) समोर येत आहेत. त्यानंतर पुन्हा एकदा धक्कादायक घटना समोर आली आहे. एका खाजगी कोचिंग क्लासमध्ये (Private coaching classes) शिकवणार्‍या शिक्षकाने अल्पवयीन मुलीचा लैंगिक छळ (Sexual harassment of a minor girl) केला . त्यामुळे संतप्त गावकाऱ्यांनी शिक्षकाला बेदम मारहाण करत त्यांची गावातून (The teacher was expelled from the village) धिंड काढली. त्यानंतर त्याला पोलीसांच्या ताब्यात देण्यात आले आहे. सदरील घटना विरार पूर्वेच्या मनवेलापाडा येथील असून प्रमोद मोर्या असे या क्लासेस चालवणाऱ्या शिक्षकाचे नाव आहे. 

विरार पूर्वेच्या मनवेल पाडा येथील सह्याद्री नगरमध्ये प्रमोद मोर्या हा एक खाजगी कोचिंग क्लास चालवतो. यामध्ये सातवीत शिकणार्‍या १३ वर्षीय मुलीचा मागील आठवड्यात शिक्षक लैंगिक छळ करत होता. त्यामुळे ती घाबरून दोन दिवस क्लासला गेली नव्हती. ती क्लासला का जात नाही म्हणून तिच्या पालकांनी तिला विचारणा केली तेव्हा तिने हा प्रकार सांगितला. त्यामुळे तिचे पालक आणि परिसरातील संतप्त नागरिक क्लास मध्ये गेले आणि शिक्षक प्रमोद मोर्या याला बेदम चोप देत भर रस्त्यात धिंड काढली. या मारहाणीत मोर्या रक्तबंबाळ झाला असून त्याचा व्हिडिओ सोशल मीडियावर व्हायरल झाला आहे. 

या शिक्षकाने ३-४ मुलींचा यापूर्वी असाच लैंगिक छळ केला आहे. पण अन्य मुली घाबरतात याची चौकशी करा आणि आरोपीला कडक शिक्षा करा, अशी मागणी स्थानिक महिलांकडून करण्यात आली आहे. हा प्रकार अत्यंत संतापजनक आहे. आम्ही मुलांना शिक्षकांकडे शिकविण्यासाठी विश्वासने पाठवतो. परंतु, ते असा घृणास्पद प्रकार करतात. हा नागरिकांच्या संतपाचा उद्रेक होता म्हणून त्याला बेदम मारहाण करत धिंड काढली, असे स्थानिक नागरीक म्हणाले. 

नागरिकांनी आरोपीला आमच्या ताब्यात दिले आहे. त्याने मुलीची छेड काढून लैंगिक छळ केल्याचा आरोप पीडित मुलीने केला आहे. तिचा जबाब नोंदवत असून आरोपीवर गुन्हा दाखल करण्याची प्रक्रिया सुरू आहे, अशी माहिती विरार पोलीसांकडून देण्यात आली आहे.