चिंचवड पोटनिवडणुकीत तिरंगी लढत
chinchavad, election, rahul kalate ,ashvini, jagatap
eduvarta@gmail.com 
चिंचवड विधानसभा मतदारसंघांमध्ये तिरंगी लढत होणार असल्याचे शुक्रवारी (दि .१० ) स्पष्ट झाले. चिंचवड पोटनिवडणूकीत उमेदवारी अर्ज माघारी घेण्याचा शुक्रवारी शेवटचा दिवस होता.मात्र, महाविकास आघाडीचे बंडखोर अपक्ष उमेदवार राहुल कलाटे यांचा अर्ज कायम राहिला. त्यामुळे आता भाजपच्या उमेदवार अश्विनी जगताप, महाविकास आघाडीचे अधिकृत राष्ट्रवादी पक्षाचे उमेदवार विठ्ठल उर्फ नाना काटे आणि बंडखोर अपक्ष उमेदवार राहुल कलाटे यांच्यात लढत रंगणार आहे.
चिंचवड पोट निवडणुकीसाठी ४० उमेदवारांनी अर्ज दाखल केले होते. त्यातील ३३ उमेदवारांचे अर्ज वैध ठरले. त्यानंतर अर्ज मागे घेण्याचा शुक्रवारी शेवटचा दिवस होता. मात्र केवळ पाच उमेदवारांनी अर्ज मागे घेतले. त्यामुळे आता २८ उमेदवार रिंगणात आहेत.
अपक्ष उमेदवार राहुल कलाटे यांनी अर्ज मागे घ्यावा,यासाठी महाविकास आघाडीच्या नेत्यांकडून विविध स्तरावर प्रयत्न केले जात होते. मात्र हे प्रयत्न अपयशी ठरले. शिवसेनेचे जिल्हा संपर्कप्रमुख सचिन आहेर यांनी कलाटे यांची भेट घेऊन माजी मुख्यमंत्री उद्धव ठाकरे यांच्याबरोबर मोबाईल वरून यांचे बोलणे करून दिले.परंतु, त्यानंतरही कलाटे यांनी उमेदवारी अर्ज मागे घेतला नाही.
