NIRF 2024: सावित्रीबाई फुले पुणे विद्यापीठ NIRF रँकिंगमध्ये देशात तिसऱ्या क्रमांकावर

एज्युवार्ता न्यूज नेटवर्क 

NIRF Ranking 2024 :नॅशनल इन्स्टिट्यूशनल रँकिंग फ्रेमवर्क 2024 (National Institutional Ranking Framework 2024)जाहीर झाले असून त्यात देशातील स्टेट यूनिवर्सिटी कॅटेगिरीत सावित्रीबाई फुले पुणे विद्यापीठ तिसऱ्या क्रमांकावर (Savitribai Phule Pune University ranked third)आहे. पहिल्या क्रमांकवर चेन्नई येथील आण्णा युनिव्हर्सिटी व दुसऱ्या क्रमांकावर कलकत्ता येथील जादवपूर युनिव्हर्सिटी आहे. 

केंद्रीय शिक्षण मंत्रालयातर्फे नॅशनल इन्स्टिट्यूशनल रँकिंग फ्रेमवर्कतर्फे (एनआयआरएफ) देशातील विद्यापीठांच्या व महाविद्यालयांच्या रँकिंग प्रसिद्ध करण्यात आले आहे. ओव्हर ऑल रँकिंगमध्ये मद्रास इंडियन इन्स्टिट्यूट ऑफ टेक्नॉलॉजी  प्रथम क्रमांकावर असून युनिव्हर्सिटी रँकिंग मध्ये इंडियन इन्स्टिट्यूट ऑफ सायन्सेस बेंगलूरू पहिल्या क्रमांकावर असून इंजिनिअरिंग कॅटेगिरी इंडियन इन्स्टिट्यूट ऑफ टेक्नॉलॉजी मद्रास पहिल्या क्रमांकावर तर मॅनेजमेंट इन्स्टिट्यूट मध्ये इंडियन इन्स्टिट्यूट ऑफ मॅनेजमेंट अहमदाबाद पहिल्या क्रमांकावर आहे. त्याचप्रमाणे कॉलेज कॅटेगिरी मध्ये दिल्ली येथील हिंदू कॉलेज पहिल्या क्रमांकावर असून लॉ कॅटेगिरीत बेंगलूरू येथील नॅशनल लॉ स्कूल ऑफ इंडियन युनिव्हर्सिटी प्रथम क्रमांक आहे. 

स्टेट युनिव्हर्सिटी कॅटेगिरी मध्ये अण्णा युनिव्हर्सिटी पहिल्या क्रमांकावर, जाधवपूर युनिव्हर्सिटी दुसऱ्या क्रमांकावर, सावित्रीबाई फुले पुणे विद्यापीठ तिसऱ्या क्रमांकावर, कलकत्ता युनिव्हर्सिटी चौथ्या क्रमांकावर, पंजाब युनिव्हर्सिटी पाचव्या क्रमांकावर, उस्मानीया युनिव्हर्सिटी सहाव्या क्रमांकावर तर आंध्रा युनिव्हर्सिटी सातव्या क्रमांकावर आहे.

केंद्रीय शिक्षण मंत्री धर्मेंद्र प्रधान,  केंद्रीय राज्य शिक्षण मंत्री सुकांता मुजुमदार, उच्च शिक्षण विभागाचे प्रधान सचिव के.संजय मूर्ती, यूजीसीचे अध्यक्ष एम.जगदीश कुमार, एआयसीटीचे अध्यक्ष टी.जी. सिताराम, एनबीए अध्यक्ष अनिल सहस्रबुद्धे, अनिल नासा,शिक्षण विभागाचे अधिकारी सुनील कुमार बनवाल, गोविंद जयस्वाल यांच्या उपस्थितीत स्टेट यूनिवर्सिटी रँकिंगची घोषणा करण्यात आली.तसेच विद्यापीठाचे प्र- कुलगुरू डॉ. पराग काळकर यांनी यावेळी विद्यापीठाचे रँकिंग स्वीकारले.  

युनिव्हर्सिटी रँकिंग मध्ये ओरल कॅटेगिरी सावित्रीबाई फुले पुणे विद्यापीठ 2023 मध्ये 19 व्या क्रमांकावर होते. तर मुंबई येथील  होमी भाभा नॅशनल इन्स्टिट्यूट 17 व्या क्रमांकावर होते. 2023 मध्ये  सिंबायोसिस इंटरनॅशनल युनिव्हर्सिटी 32 व्या क्रमांकावर होते. तर वर्धा येथील दत्ता मेघे इन्स्टिट्यूट ऑफ हायर एज्युकेशन अँड रिसर्च 2023 मध्ये 39 व्या क्रमांकावर होते. मागील वर्षी पुण्यातील भारती विद्यापीठ एनआयआरएफ रँकिंग मध्ये पहिल्या शंभरमध्ये म्हणजे 91 क्रमांकावर होते.

----------------------------------------------

नॅशनल इन्स्टिट्यूशनल रँकिंग फ्रेमवर्क 2024 मध्ये देश पातळीवरील स्टेट युनिव्हर्सिटी कॅटेगिरीत सावित्रीबाई फुले पुणे विद्यापीठाला शैक्षणिक गुणवत्ता आणि संशोधनात केलेल्या कामगिरीमुळे देशात तिसरा क्रमांक मिळाला आहे. विद्यापीठ व्यवस्थापन परिषद, आधिसभा, विद्या परिषद व विविध अधिकार मंडळाचे सदस्य यांनी विद्यापीठाच्या विकासात्मक वाटचालीत महत्त्वाचे योगदान आहे. तसेच विद्यापीठातील व संलग्न महाविद्यालयातील विद्यार्थी, प्राध्यापक, शिक्षकेतर कर्मचारी, सर्व अधिकारी व कर्मचारी वर्ग यांनी दिलेल्या योगदानामुळे विद्यापीठाने देश पातळीवरील हे रँकिंगमध्ये चांगले स्थान मिळवले आहे. विद्यापीठाला मिळालेले हे रँकिंग कोणा एका व्यक्तीमुळे नाही तर सांघिक योगदानमुळे मिळाले आहे.
- डॉ. सुरेश गोसावी, कुलगुरू, सावित्रीबाई फुले पुणे विद्यापीठ, पुणे