CET Cell : कला शिक्षण प्रवेश नोंदणीला मुदतवाढ, 'या' तारखेपर्यंत करता येणार अर्ज
कला शिक्षणाअंतर्गत असलेल्या रेखा व रंगकला, शिल्पकला, वस्त्रकला, मातकाम, अंतर्गत गृहसजावट, धातूकला, उपयोजित कला या अभ्यासक्रमांच्या सीईटी प्रवेश नोंदणीसाठी आता उच्छुक उमेदवारांना १६ मार्चपर्यंत नोंदणी करता येणार आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा (State Common Entrance Test) कक्षाने (सीईटी कक्ष) २०२६-२७ या शैक्षणिक वर्षासाठी (Academic year 2026-27) सीईटी नोंदणीची प्रक्रिया संपुष्टात आली आहे. मात्र, कला शिक्षण प्रवेश अभ्यासक्रमांच्या (Art Education Cource) नोंदणीसाठी मुदतवाढ (Extension of Registration Deadline) देण्यात आली आहे. यापुर्वीची मुदत आज १३ मार्च रोजी संपणार असल्याने त्याआधी १६ मार्चपर्यंत मुदतवाढ देण्याचा निर्णय घेण्यात आला आहे. मागील वर्षीच्या तुलनेत यंदा या अभ्यासक्रमासाठी अल्प प्रतिसाद मिळाल्याने नोंदणी झाल्याने ही मुदतवाढ देण्यात आली आहे.
कला शिक्षणाअंतर्गत असलेल्या रेखा व रंगकला, शिल्पकला, वस्त्रकला, मातकाम, अंतर्गत गृहसजावट, धातूकला, उपयोजित कला या अभ्यासक्रमांच्या सीईटी प्रवेश नोंदणीसाठी आता उच्छुक उमेदवारांना १६ मार्चपर्यंत नोंदणी करता येणार आहे. अधिकाधिक विद्यार्थ्यांना या अभ्यासक्रमासाठी नोंदणी करता यावी, यासाठी सीईटी कक्षाने एएसी कला शिक्षण या अभ्यासक्रमाच्या सीईटीसाठी अर्ज नोंदणी करण्याकरिता १६ मार्चपर्यंत मुदतवाढ देण्याचा निर्णय घेतला आहे. २०२५ च्या कला शिक्षणाच्या सीईटीमध्ये २ हजार ७८९ विद्यार्थ्यांनी नोंदणी केली होती.
या परीक्षेसाठी ऑनलाईन अर्ज, नोंदणी वेळापत्रक आणि माहिती पुस्तिका राज्य सामाईक प्रवेश परीक्षा कक्षाच्या http://www.mahacet.org या अधिकृत संकेतस्थळावर उपलब्ध करण्यात आली आहे. या अभ्यासक्रमांसाठीची सीईटी परीक्षा राज्यातील विविध परीक्षा केंद्रांवर संगणकाधारित पद्धतीने ऑनलाईन घेतल्या जातील. उमेदवारांनी पुढील अद्ययावत माहिती, तपशीलवार वेळापत्रक आणि परीक्षेशी संबंधित सूचनांसाठी नियमितपणे राज्य सामाईक प्रवेश परीक्षा कक्षाच्या अधिकृत संकेतस्थळाला भेट द्यावी, असे आवाहन सीईटी कक्षाने केले आहे.
